Вай гьантрай Пятигорскалий «Машук-2021» цIанилусса Ухссавнил Ккавкказуллал жагьилтурал форумрал шамилчинмур сменалул хIасиллу дунни. Форумрал лагрулий дунни грантирттал конкурс. Микку ххув хьунни 13 инсан. Вайннал проектирттан 4 490 000 арцул итабавкьуну бивкIссар. Ххув хьуминнаву кIия жагьил – Шамил ХIасанов (проект «Dar») ва МахIаммадсяид Аьлиоьмаров (проект «Трезвый выбор», Дагъусттаннаясса ур. Цала проектру дузрайн дуккан дан вайннал ларсъссар 400 000 ва 350 000 къуруш арцул.
«Трезвый выбор» проектрал мурад бия профилактикалул мероприятиярттайхчин республикалул жагьилтурахь наркотикру ишла бавриясса зараллая бусаву», – тIий ур цала проектрал хIакъираву МахIаммадсяид Аьлиоьмаров.
Амина Юсупова, ДГУ-лул журналистикалул отделениялул 4-мур курсрал студентка