Ноябрь зурул 6-нний, ххуллункьини, «Анжи-Ареналий» Да­гъусттаннал халкьуннал художник, ДР-лул ПаччахIлугърал премиялул лауреат, скульптор МахIаммад-Аьли Аьлиев увсса кьинилун хасну тIивтIунни ванал цIанийсса цIусса АРТ-галерея. Шикку гьуртту хьунни АьФ-лул ПаччахIлугърал Думалул депутат Хизри Абакаров, ДР-лул БакIчиначIасса Хъунисриннал советрал председательнал хъиривчу Сиражуттин Ильясов, политик Деньга Халидов, ДР-лул Промышленниктурал ва ишбажаранчитурал союзрал президент Анварбаг Кьадиев, «Пять сторон света» школалул...

Турциянал МВД-лул академиялул хъунама Джихан Далкъиличлул мархри лакрая­сса бур. Ванал бавал ттаттахъул Аьхъардал шяравасса бивкIун бур. Ми 200 шинал хьхьичIва бивзун бивкIун бур Туркнавун. Суратрай Джихан Далкъилич Дагъусттаннал халкьуннал артист АхIмад АхIмадовлущал. АхIмадлул кумаграцIух ваная гьарта-гьарзану кIул бан хIарачат банну ялунмай.

Ккавкказуллал чичултрал творчество дунияллул литературалул гъунттуйн дуккан дуваву мурадрай тамансса давуртту дюрхъуну дуллалисса шаэр, публицист, критик, Аьрасатнал Чичултрал союзрал Дагъусттанналмур отделениялул хъунмур ва Ккав­кказуллал чичултрал къатлул вице-президент Миясат Муслимовал сипталийну ва хIарачатрайну Дагъусттаннай дунни ххуйсса даву. Дурунни Къапиевлул цIанийсса таржумачитурал конкурс «Резьба по камню». Шиккува кIицI лаган, ва конкурсращал архIал, вава Миясат Муслимовал хIарачатрайну, хьунни...

Вай гьантрай дунияллул цикссагу бюхттулми ла­хъазаннайн лавхъсса альпинист Зиябуттин ХIажимирзаевлущал хьунаавкьунни республикалул спортрал министр Сажид Сажидов. Министерствалийсса ва хьунабакьаврий гьуртту хьунни олимпий чемпион ХIайдарбек ХIайдарбеков ва Дагъусттаннал панкратиондалул сборнайлул хъунама тренер, дунияллул чемпион Аьбдулкарим Айгунов. Сажид Сажидовлул барчаллагь увкунни республикалий спортрал цIа гьаз дуллалисса Зиябуттиннухь ва Спортрал министерствалул цIаниятусса Барчаллагьрал чагъар буллунни. Ва альпинистътурал дунияллий...

Ноябрь зурул 16-нний Дагъусттаннал Юстициялул министерствалий хьунни «Будни дагестанской полиции» тIисса республикалул конкурсрай ххув хьуминнан наградартту дуллалисса шадлугъ. Аьдатравун дагьну дур гьарица шинах Юстициялул министерствалул полициялул органнал сий, вай органнаву зузиминнал къуллугърал захIматшиву ва нигьачIаву чIалачIи даву мурадрай дуллалисса республикалул конкурс. Ва конкурсрай гьашину, шамилчингу, ттул даврин жюрилул яла лаваймур кьимат бивщуну, цалчинмур даражалул дипломгу,...

Ноябрьданул 16-нний Дагъусттан Республикалул ХIукуматрал председатель АьбдулпаттахI Амирхановлул каялувшиннаралу хьунни совещание. Ваний ххал бигьлай бия школардай дуклакисса оьрчIру украсса дукиялул щаллу баврийн багьайсса масъалартту. АьбдулпаттахI Амирхановлул дакIнийн бувтуна, АьФ-лул Президентнал бигарду иширайну щаллу баврил лагрулий, ва шинал сентябрьданул 1-нния шийнмай дянивсса кIулшиву дуллалисса республикалул идарарттай 1-4-ми классирттал оьрчIан щаллу дуллалишиву кIирисса дукия. Жулла республикалун федерал...

Дагъусттан Республикалул цалчинмур гимнрал автор (партитура) Чаллаев Ширвани Рамазаннул арснал хьунадакьлай ур цалва оьрмулул 85 шинал юбилей. Республикалул Культуралул министерство, ванил бакIчи Зарема Буттаева, Дагъусттаннал культуралул общественность барча тIий бур маэстрохь ххаллилсса юбилей ва чIа тIий бур цIакьсса цIуллушиву, бухкъалагайсса гуж-цIакь, творчествалул виуцIаву. Увну ур Ширвани Чаллаев Ккуллал райондалий Хъусращиял шяраву. Къуртал бувну бур МахIачкъалаллал...

Азирбижаннал хIукуматрал Аьрасатнавусса вакил Полад Бюль-Бюль- огълил ларгсса нюжмаркьини МахIачкъалалив Азирбижаннал паччахIлугърал наградартту дуллунни цIа ларгсса дагъусттанлувтуран: ДР-лул ПаччахIлугърал Советрал бусравсса председатель МахIаммадаьли МахIаммадовлун дуллунни орден «Достлуг» («Дружба»), СССР-данул халкьуннал артист Мурад Къажлаевлун буллунни Азирбижаннал Президент Илхам Аьлиевлул цIаниятусса диплом. Ва диплом залуннахьхьун булуншиврул, Полад Бюль-Бюль-огъли Дагъус­ттаннал БакIчи Сергей Меликовлущал архIал ивунни Мурад Къажлаев каялувчисса...