Дагъусттаннал Росгвардиялул управлениялул зузалт лавхъунни Дагъусттаннал ца яла караматмур зунттуйн – ПпабакIуйн. Зунттул лахъшиву дур 3997 метра. «Горец» ОМОН-далул зузала, полициялул сержант Аьли А., «Скорпион – Каспий» кьюкьлувасса полициялул лейтенант Рахман А. ва «Ястреб – Каспий» СОБР-данул зузала, полициялул подполковник МахIаммад М. зунттул мицIлийн лавхъунни Дагъусттаннал Спортрал туризмалул федерациялул вакилтуращал. ТIабиаьтрал шартIру бигьасса къадиркIнугу, зунттуйн...
Аьрасатнал Президентнал къулбас дунни уголов кодексраву дахханашивуртту дуллалисса закондалий. Утти ххуллул низамрал тIалавшиннарду къадуручлачими, хъуннасса аьчIа дишаврицIун, танмихIрайнгу кIункIу бан, хIатта шанна шинай дуснакь бангума бюхъайссар. Укунсса танмихI бан бюхъайссар хьунинххуллийн увккун тIий ва анаварну най ивкIун тIий кIийла административ жавабрайн увцума. Шамилчингу укунма низамрал ххуттава буккарча, вайннал хIакъираву уголов дело сукку дантIиссар. Уголов кодексраву...
Январь зурул 18-нний МахIачкъалалив, Расул ХIамзатовлул цIанийсса Миллатрал библиотекалуву, хьунни ГьунчIукьатIрал шяраваллил тарихрая бусласисса документал журалийсса фильмрал презентация. Ва видеосуратрал авторну ур журналист АхIмад Аьлишаев. Мероприятиялул дайдихьу дуллалисса махъ лахълай, ГьунчIукьатIрал жяматийсса ккурандалул хъунама ХIажибутта ХIусайновлул кIицI лавгунни авторнал хъуннасса даву дурну душиву шяраваллил тарих батIлай, бугьарасса инсантурахь цIухлай, къакIулмур кIул буллай, архиврду ххилтIу буллай....
Январь зурул 19-нний ЦIуссалакрал райондалул администрациялул ва цаймигу структурардал зузалтрал бунни COVID-19 дусса-дакъасса исват буллалисса ПЦР тестру. Райондалул администрациялул зузалтран тестру бан бувкIун бия ЦIуссалакрал райондалул хъунмур азарханалул медиктал. Тестирдал хIасиллу дунни 15 минутIрал мутталий. Ва кьини аьмну ПЦР-тестру бунни 50 инсаннал. Вайннава 3 инсаннай ковид душиву исват хьунни. Тестирдайн бувну ковид душиву аьлтту хьусса...
МахIачкъалаллал мэр Салман Дадаев ларгсса алхIаткьини цIунилгу хьунаавкьунни Дагъусттаннал муфти АхIмад-хIажи Аьбдуллаевлущал. Вайннал ихтилатгу цIуницIа, хъунмурчIин, республикалий коронавирусрал къашавайми гьарза хъанай бухьувкун, цукунсса чаранну ккаккан аьркинну буссарив, муфтиятрая цукунсса кумаг аьркинну буссарив аьч буллалисса хьунни. Мэрнал муфтинахь мизитирттавун чаклийн бучIайминнангу тагьар уттигу нигьачIийсса душиву, агьали ва коронавирусрал балаллува буккансса ххуллу вакцинарду буваву бушиву бувчIин буллалияра...
Дагъусттаннал Минздраврал штатрай акъасса пульмонолог Кьубатай Масуевлул журналистътурахь бувсунни «омикрон» коронавирусрал махъра-махъмур мутация дакъашиву, ванил хъирив цаймигу мутацияртту ялун личин бюхъайшиву. Ванал бувчIин бунни вирусру даиман даххана хъанай душиву. Мяйжанссар, цукунсса иш-тагьар дикIанссарив, цукунсса журалул дахханашивуртту хъананссарив къакIулну бур хIакинтуран-пишакартурангу. Ванал ялагу бувсунни вирусрал цIусса штаммрал хьхьарасса иммунитетрайн гьужум бувайшиву ва ялагу цукссагу хIаллай оьттуву...
ХIакьинусса кьини коронавирусрал азар сававну щаллагу дунияллий хIасул хьуну дур инсаниятрал оьрмулун хъуннасса нигьачIаву дусса тагьар. Мунийн бувну цума-цагу инсаннал пикри бан аьркинссар цала ва цала мачча-гъаннал цIуллушиву дуруччаврил ялув. Цуксса хIайпнугу, пандемия жула ялату лаглай дакъар. Утти мунивух цамургу вирус хIала дурххун, хъиннура оьлуркъуну дур. Щаллагу дунияллул инсантурал коронавирусрал инфекциялия буруччаву мурадрай бартбигьлагьисса чараннава...
Январьданул 15-нний Дагъусттаннал БакIчи Сергей Меликовлул дунни республикалий коронавирусрал инфекция ппив шаврийн къаршисса масъалалул хIакъиравусса батIаву. Республикалул каялувчинал тIимунийну, Дагъусттаннай коронавирусрал къашайшалт цакуну гьарза хьуну бакъасса бур, амма цIуцIими чан хъанайгу бакъасса бур. «Жунма хъамабивтун бур 2020 шинал интту цукунсса тагьар диркIссарив, та чIумал Дагъусттаннал муфтийнал ва республикалул цаппара каялувчитурал хIарачатрайну жущава бювхъуна бала-апатIрал хьхьичIалу...
Москавлив Дагъусттаннал БакIчи Сергей Меликовлул ва ПАО «Россети» компаниялул гендиректор Андрей Рюминнул ххал бивгьунни регион токрал дузал баврил хIакъиравусса АьФ-лул Президент Владимир Путиннул тапшурлугъру бартдигьаврил масъалартту. Вайннал ххал диргьунни инвентаризациялул ва заллухъру бакъасса сетру электросетирдал комплексравун цачIун даврил давуртту. ЦIанасса ппурттуву «Россети Северный Кавказ» компаниялул ишла буллай бур токрал дузал буллалисса циняв распределител сетирдал анжагъ...
Январьданул 18-нний Дагъусттаннал БакIчи Сергей Меликов гьуртту хьунни АьФ-лул ХIукуматрал коронавирусрал инфекциялийн къарщисса Координациялул советрал президиумрал батIаврий. БатIаву хьунни Аьрасатнал премьер-министр Михаил Мишустиннул каялувшиврий. АьФ-лул ХIукуматрал Председательнал тIимунийну, вирусрал цIусса штамм – «омикрон» анаварну ппив хъанай бусса бур щалагу дунияллийх. Мунияту, АьФ-лул Президентнал тапшурлугърайн бувну, ХIукуматрал хIадур дурну дур ялун ххи дурсса мероприятиярттал план, миннуя...
