Дагъусттаннал БакIчи Сергей Меликов хьунаавкьунни республикалул ТОКС-рал каялувчитуращал. Шикку гьур­тту хьунни ДР-лул кIулшивуртту дулаврил ва элмулул министр­нан кIанайсса ЯхIия Бучаев, жагьилтурал иширттал министрнан кIанайсса Камил Саидов, ТОКС-рал командир МахIаммад НурасулмахIаммадов, «Дагестан» ГТРК-лул хъунаманал хъиривчув, ТОКС-рал штабрал хъунама Ссалам Хавчаев, ТОКС-рал командирнал хъиривчув, ОьрчIал ва чIава жагьилтурал туризмалул ва краеведениялул центрданул хъунама Арсен Хайбуллаев. Хьунабакьаврий ххал...

Январь зурул 27-нний «Жизнь без слез» тIисса ДРООПИ-лул (Дагестанская региональная общественная организация помощи инвалидам») Дяхтта оьрчIах буругайсса къатлуву цIусса «Самостоятельная жизнь» тIисса отделение тIитIлатIисса мажлис хьунни. Центрданул цIусса отделениялий бикIан тIий бур аькьлу-кIулшилул махъун багьсса ва цIуллу-сагъшиврул ссуссукьу­сса, оьрмулул 14 шиная лавай­сса оьрчIру-душру. КIицI лаган, «Жизнь без слез» организация сакин хьу­ссар 2006-ку шинал август зуруй...

ЧIявусса инсантал хьунабакьай ххяххиярттал лакку мазрайсса цIарду кIул хьуну ччисса. Чансса къабикIай ттухь ттухьва му чулухунмайсса тавакъю буллалиссагу. Уттигъаннугу ца гьалмахчунал тавакъю бунни: — «Чанкурай, ттун кунма, цайми инсантурангу бусрав хьунссия «Илчи» кказитрай хьхьичIра итадаркьусса ххяххиярттал цIарду цал уттигу рищурча», — куну. Тикрал хъанан къаччисса унугу, ва гьалмахчунал тавакъюгу биттур буван, балики цайминнангу бусрав хьун...

Чавахъ бугьан наниминнан хIавз ххуйну кIулну бикIан аьркинссар. КIулну бикIан аьркинссар инсаннан чурххал лахъшиврияр куртI бакъасса кIанттурду, куртIсса кIанттурдая бигьану зуманив уккан­сса ххуллу. КIулну бикIан аьркинссар микIирай нигьачIаву думур кIанттурду ва микку мюхчан хьунсса куц. ЛичIлулну бикIан аьркинссар зумания микIирайн лахълахъийни, микIирай хъякрурду дикIан бюхъайссар. МикIирай цIан лавгсса кIанттурду бухьурча, ми­кку нигьачIаву хъуннассар. ЦIансса микI...

КIинттул чIумал микI бавкьусса хIавзирдай, бярув баччибакъулшиву дурну, мюхчан къавхьусса инсантуран апатIру хъанай бур. [pullquote]Оькьлакьисса инсаннан цалчинсса кумаг баву 1. НигьачIаву дакъасса кIанттурдайн увцуну, гъили лаган ан аьркинссар. 2. Лажин лувну кIура аен увну, бакI яларай рутан ан аьркинссар. 3. КьацI марцI бан аьркинссар хьюмушивруцIа. Хъугьу тIий, кIарчI учин ччай ухьурча, ссихIирал ххуллурдава ва лякьлува...

Шинну ккаккан дуллалиссар дянивну ларсъсса хIисаврттайн бувну: Оьллу – 20-30 шин Ятту – 20 шин Дучри – 40-50 шин Ккаччив – 15 шин Ччитри – 10 шин Бюрунттив – 25-30 шин Варантту – 25 шин Цухьри – 30 шин ЦIиникьру – 45 шин Паланг (барс) – 20 шин ЦулкIри – 11-12 шин БарцIру – 15...

Ларгсса шинал Дагъусттаннал ЗахIматрал министерствалул волонтертурал хIарачатрайну агьалинан 27 000 социал журалул хIаллихшиннарду дурну дур. КIицI лаганну, хIакьинусса кьини республикалул соцобслуживаниялул идарарттал давривух гьуртту хьун ччисса волонтертурал сияхI ялу-ялун хъунна хъанай най душиву. Дагъусттаннал ЗахIматрал ва соцразвитиялул министерствалул биялалийсса социал къуллугъирттал цинявппагу идарарттай сакин дурну дуссия волонтертурал кьюкьри. Волонтертал уква, агьалинан социал хIаллихшиннардал чулухасса кумагру буллай,...

Азарханалул зузала ашкара увну ур Къизилюртуллал шагьрулул судрал АьФ-лул УК-лул 274. 1 статьялул 4-мур бутIуйн (ихтияр дакъана компьютерданувусса информациялувун уххаву) багьлагьисса тахсир ккаклай, жавабрайн кIункIу увну ур Къизилюртуллал азарханалул информациялул технологиялул отделданул зузала Р.М. МахIаммадов. Дагъусттаннал УФСБ-лул рартIсса материаллайн бувну силистталул отделданул сукку дурсса уголов делолул лагрулий кIул хьуну бур, 2021 шинал Р.М. МахIаммадовлул, Къизилюртуллал...