МахIачкъалалив байбишин най бур «Русские ярмарки – Махачкала» тIисса инвестициялул проектрал строительстварду дуллай. ДР-лул Минимуществалул Аьрщарал иширттал управлениялул хъунама Алефтин Аьбдуллаевлул бусаврийн бувну, республикалий ва проект иширайну зузи даврийну региондалийн чIярусса инвестицияртту кIункIу хъанантIиссар, хIасул хьунтIиссар инсантал зун­сса цIу-цIусса кIанттурду, ххишала хьунтIиссар жула ишбажаранчитал Аьрасатнал субъектирдал машлул рынокрайн буккансса сант, республикалул бюджетравун дачинтIиссар налогирттайнусса доходру....

Январьданул 26-нний Министртурал кабинетрал ВКС-рал низамрайсса батIаврий ххал диргьунни 2021-ку шинал республикалий национал проектру бартдигьаврил хIасиллу. БатIаврий каялувшиву дуллай ия Дагъусттаннал ХIукуматрал Председательнал буржру чIумуйсса бартбигьлагьима Аьбдулмуслим Аьбдулмуслимов. БатIаврий махъ лахълай, Аьбдулмуслим Аьбдулмуслимовлул бувсунни ларгсса шинал 12 национал проектрал лагрулий республикалий бартдигьлай бивкIшиву 45 региондалул проект. Ми цинярда проектру бартдигьин итадаркьуну диркIун дур 23,9 млрд...

Январьданул 25-нний Дагъусттаннал БакIчи Сергей Меликовлул каялувшиврий хьунни Дагъусттаннал догазификациялул (инсантурал къатравун газ буцаву) республикалул штабрал ва республикалул энергетикалул ва ЖКХ-лул энергетикалул идарартту экономикалул ххуллийсса лябуккулул штабрал цачIусса батIаву. «Республикалий догазификациялул масъалартту бартбигьаву мурадрай сакин бувну бивкIссар газификациялул региондалул штаб. Мунил дурссар цийнна тапшур дурну диркIсса давуртту. Амма хъирив лавну аьям бувну бур инсантурал къатравун...

Дагъусттаннал аьмсса бюджетравун дучIаймур 2021 шинал гьарза хьунни 9 миллиардрал Январьданул 26-нний Сергей Меликовлул каялувшиврий хьунни ДР-лул аьмсса бюджетрал доходралмур бутIа гьарза баврил Дагъусттаннал БакIчиначIасса Комиссиялул батIаву. Дагъусттаннал аьмсса (консолидированный) бюджетравун дучIаймур гьарза хьуну дур 9 млрд къурушрал. Мунил лагрулий дурунни ларгмур шинал хIасиллу, бивщунни дурсса давурттан кьимат ва бивхьунни хъиривмур чIумунсса масъалартту. «Аьмну лавсун,...

Дагъусттаннал БакIчи Сергей Меликов хьунаавкьунни республикалул ТОКС-рал каялувчитуращал. Шикку гьур­тту хьунни ДР-лул кIулшивуртту дулаврил ва элмулул министр­нан кIанайсса ЯхIия Бучаев, жагьилтурал иширттал министрнан кIанайсса Камил Саидов, ТОКС-рал командир МахIаммад НурасулмахIаммадов, «Дагестан» ГТРК-лул хъунаманал хъиривчув, ТОКС-рал штабрал хъунама Ссалам Хавчаев, ТОКС-рал командирнал хъиривчув, ОьрчIал ва чIава жагьилтурал туризмалул ва краеведениялул центрданул хъунама Арсен Хайбуллаев. Хьунабакьаврий ххал...

Январь зурул 27-нний «Жизнь без слез» тIисса ДРООПИ-лул (Дагестанская региональная общественная организация помощи инвалидам») Дяхтта оьрчIах буругайсса къатлуву цIусса «Самостоятельная жизнь» тIисса отделение тIитIлатIисса мажлис хьунни. Центрданул цIусса отделениялий бикIан тIий бур аькьлу-кIулшилул махъун багьсса ва цIуллу-сагъшиврул ссуссукьу­сса, оьрмулул 14 шиная лавай­сса оьрчIру-душру. КIицI лаган, «Жизнь без слез» организация сакин хьу­ссар 2006-ку шинал август зуруй...

ЧIявусса инсантал хьунабакьай ххяххиярттал лакку мазрайсса цIарду кIул хьуну ччисса. Чансса къабикIай ттухь ттухьва му чулухунмайсса тавакъю буллалиссагу. Уттигъаннугу ца гьалмахчунал тавакъю бунни: — «Чанкурай, ттун кунма, цайми инсантурангу бусрав хьунссия «Илчи» кказитрай хьхьичIра итадаркьусса ххяххиярттал цIарду цал уттигу рищурча», — куну. Тикрал хъанан къаччисса унугу, ва гьалмахчунал тавакъюгу биттур буван, балики цайминнангу бусрав хьун...

Чавахъ бугьан наниминнан хIавз ххуйну кIулну бикIан аьркинссар. КIулну бикIан аьркинссар инсаннан чурххал лахъшиврияр куртI бакъасса кIанттурду, куртIсса кIанттурдая бигьану зуманив уккан­сса ххуллу. КIулну бикIан аьркинссар микIирай нигьачIаву думур кIанттурду ва микку мюхчан хьунсса куц. ЛичIлулну бикIан аьркинссар зумания микIирайн лахълахъийни, микIирай хъякрурду дикIан бюхъайссар. МикIирай цIан лавгсса кIанттурду бухьурча, ми­кку нигьачIаву хъуннассар. ЦIансса микI...

КIинттул чIумал микI бавкьусса хIавзирдай, бярув баччибакъулшиву дурну, мюхчан къавхьусса инсантуран апатIру хъанай бур. [pullquote]Оькьлакьисса инсаннан цалчинсса кумаг баву 1. НигьачIаву дакъасса кIанттурдайн увцуну, гъили лаган ан аьркинссар. 2. Лажин лувну кIура аен увну, бакI яларай рутан ан аьркинссар. 3. КьацI марцI бан аьркинссар хьюмушивруцIа. Хъугьу тIий, кIарчI учин ччай ухьурча, ссихIирал ххуллурдава ва лякьлува...

Шинну ккаккан дуллалиссар дянивну ларсъсса хIисаврттайн бувну: Оьллу – 20-30 шин Ятту – 20 шин Дучри – 40-50 шин Ккаччив – 15 шин Ччитри – 10 шин Бюрунттив – 25-30 шин Варантту – 25 шин Цухьри – 30 шин ЦIиникьру – 45 шин Паланг (барс) – 20 шин ЦулкIри – 11-12 шин БарцIру – 15...