Хъинну ххуйну кIулсса инсанная ихтилат буллан захIматну бикIай. Му захIматшивугу хъанан дикIай га инава макьалалуву кIицI уллалисса инсаннал оьрмулия чIявусса затру бусан ччишивугу, кказитрай ришлашисса макьалалувун чIявусса затру гьан буван къабюхълахъавугу. Уттигъанну ттуйн оьвкуна ЧIяйннал шяравасса МахIачкъалалив яхъанахъисса Аьбидов Загьидинал: «Ттул Пайнусат тIисса ссу буллусса куявнан, чIярусса шиннардий Дарбантуллал Санэпиднадзорданул хъунама хIакинну зузисса Кьадиев Шамиллун...
1943 шинал Хъунмасса Буттал кIанттул цIанийсса дяъвилий виричувшиврий жан дуллусса, Ккуцрал шяравасса хIаписар МихIраб Ибрагьимовлул кьадар кьурчIиссагу, тамашассагу бур. Циван кьурчIи къабизави оьрмулул 24 шинаву Ленинградуллал областьрайсса талатавурттаву жан дуллусса виричувнал, гвардиялул лейтенантнал кьадар. Ванал суратрайн ябияйхту зумату букьлай бакъар хIайп ва хIайп тIисса махъру: бакI-чурххал оьвхъусса, я-иттацIани хъуручI кунна
1. Къалмул ххяххияртту: Озимая пшеница – ссуттил лачIа Яровая пшеница – интту лачIа Голозерный ячмень – у Плёнчатый ячмень – хъа Рожь – сус (бикIайссар ссуттил бугьайссагу, интту бугьайссагу) Овес – нехъа Полба – чIихяр
МахIаммадаьлил душ Кьадирова Халун Гьашину июнь зурул ахирданий оьрмулул 88 шинаву ахиратрахьхьун лавгунни ххишала бакъа дакI-аьмал ххуйсса, цинявннан бусравсса, ххаллилсса лакку хъамитайпа МахIаммадаьлил душ Халун. Халун бувссар Чакъаллал шяраву Ккуллал райондалий МахIаммадаьлил ва Ххадижал кулпатраву. Гъумук 4 классгу къуртал бувну, мюрщину бунува нитти-буттацIа хьуну,
Баргъ-гъарагъи даркьусса, тачIав дакъачIин уртту-щинал авадансса шин дур гьашину Лаккуй тIий бия кIия букIлакIими. Аьщун диявавли?! Ккуллардал чявхъа бивчуннихха Лаккуйн ларгсса алхIат кьини. Оьттул щаращив ливчунни аьрщарава. БакIлахъиярагу цукунсса хьувивавли? Щархъал бакIрах маоьрду. АрсваврацIа хьунни ниттихъул, уссурваврацIа хьунни ссурвал, щащарну ливчIунни ряхва жагьилсса хъамитайпа, ятинтал хьунни 12 оьрчI.
Июль зурул 15 – нний 15.00 ссятраву Лакрал райондалийсса Буршиял шяраваллия 7 километралул тийнмайсса кIанттай Лакрал Райондалул ОМВД – лул, Ккуллал райондалул ОМВД – лул, Ахъушиял райондалул ОМВД – лул, Лаващиял райондалул ОМВД – лул, ЧIарадиял райондалул ОМВД – лул, Гергебиллал райондалул ОМВД – лул, Гъуниннал райондалул ОМВД – лул, Рутуллал райондалул ОМВД – лул,...
Июль зурул 14-нний Дагъусттаннал Президентнал къуллугъ чIумуйну биттур буллалисса Р. АьбдуллатIиповлул каялувшиврулу хьунни республикалий низам дуруччаврил хIакъиравусса Координационное заседание. Анавархъиндарайсса му заседание даврил савав дия Лакрал райондалий полициянал мукьа сотрудник бивтун утаву.
Вай гьантрай республикалул Президентнал къуллугъ чIумуйну бартбигьлагьисса Рамазан АьбдуллатIипов ивунни Сергокъалаллал ва Гъуниннал районнайн. Сергокъалаллал райондалийн мунащал архIал бия ХIукуматрал председательнал хъиривми Абусупьян Хархаров ва Шарип Шарипов, ПаччахIлугърал Думалул депутатътал Мурад ХIажиев ва Заур Аскандаров ва цаймигу къуллугъчитал.
Июнь зурул 29-нний Дагъусттаннал УИС-рал гьану бивзун 93 шин там хьунни. Уттигъанну Дагъусттаннал УФСИН-лул зузалтрал кIицI ларгунни пишалул байран. Дагъусттаннал пенитенциар системалул тарих байбихьлай бур XIX ттуршукулул ахирданий. 1897 шиналсса чичрурдайн бувну, шикку бивкIун бур 13 дуснакь. Миннува мукьва Темир-Хан Шуралий, Порт-Петровскалий ва Дарбантлив. Гайми 9 — округирттай.
Фестивальданул шамулчинмур кьини хьуна яла ххаришивурттал дурцIумургу, цува фестивальданул сиптачи ва арцу харж дуву Къаллаев Оьмари фестивальданийн увкIсса кьинину. ХьхьичIмур фестивальданул кIилчинмур кьини аваза бия, ваца Оьмари Къаллаев Дагъусттаннал чIумуйнусса Президент Рамазан АьбдуллатIиповлущал учIан авцIуну ур тIар тIий. КъаувкIуна Президент, увкIуна ххаллилсса, ка тIиртIунасса зунттал чув, Оьмари Къаллаев.
