Органы прокуратуры РД рассмотрели в 2012 году 13 тыс. 229 обращений, что на 252 обращения больше, чем предыдущем году. ДР-лул прокуратуралул органнал ларгсса 2012 шинал ххалбивгьуну бур цачIанма бувкIсса 13 азаллий 229 аьрза, хьхьичIмур шиналнияр 252 аьрза ххишалану.
Одно из самых распространённых преступлений в Дагестане, это браконьерство, об этом в статье «Сохраняя водные ресурсы Каспия» Му махIаттал хьунсса затгу бакъар. Каспий хьхьириву бур осетра балугърал дунияллул луртандалул 90% ва укунмасса балугърал 80%. Региондалий балугъ бугьаврил ва икра ласаврил хIакъи-хIисав дуллалиний, чIалай бур балугъ бугьаву чан хьушиву.
Декабрь зурул ахирданий Гьанжилий «Чистое сердце» фондрал, цилгу бакIчишиву дуллай усса жула Дагъусттаннал ххаллилсса арс, ПаччахIлугърал Думалул депутат Кьурбанов Ризван Даниялович, дунни хъинну эбратрансса, бавма барчаллагь тIунсса даву. Жулла шаннагу райондалийн – Ккуллал, Лакрал ва ЦIуссалакрал, гьан дунни ацI-ацIра тонна дуки-хIачIиялул.
ЦIана бусласимургу бяличIан бувну, Хьувшиял чIаравсса шяраваллин цIа дурчIин данна. Щаратусса, хъинну духIин дусса, Зайналаьбидлул ттухь цIувххуна махъсса шиннардий: «Ттун Хьувши кIуллича, ивссарача нагь ласун оьрчIнийва Хьувшавгу, кIа чIаравсса шяраваллин цIа ЦIущулливкьай, ЦIущардив?» — куну.
РАБАДАННУЛ АРС МАХIАММАД-СЯИД РАБАДАНОВ Ккуллал шяравасса ХIажимусил душ цила оьрмулул дуснащал Ахъушиял райондалийсса Ялумур Каршли тIисса шяравасса МахIаммад-Сяидлущал хьунабавкьуну бур Щуну-Зунттул тIутIавун дахьларгсса ххинчурдай.
Уттигъанну, шанийн багьну хъунма хIалвагу къавхьуну, аьпалул хьунни КIундиннал шяравасса ххаллилсса хъамитайпа, дяъвилул ва захIматрал ветеран МахIаммадлул душ ХIажиева ПатIима.
Владимир Путин хьунаавкьунни ДР-лул Президентнал кIанайма Рамазан АьбдуллатIиповлущал. Февральданул 1-нний Москавлив Аьрасатнал Федерациялул Президент Владимир Путин хьунаавкьунни ДР-лул Президентнал кIанайма Рамазан АьбдуллатIиповлущал. ДР-лул Президентнал прессалул къуллугърал бувсъсса куццуй, паччахIлугърал бакIчинал бувсунни Дагъусттаннал бакIчинал хьхьичI чIявусса масъалартту бушиву, миннувух ихтиярду дуруччаврил бутIувуссагу. В. Путиннул республикалул бакIчинан чIа кунни тIайлабацIуртту.
Февральданул 7-нний хьунни ДР-лул Халкьуннал Мажлисрал ирглий бакъасса 20-мур сессия. Сессиялий гьуртту хьунни ДР-лул Президентнал кIанайма Рамазан АьбдуллатIипов, Дагъусттаннал парламентрал депутатътал, исполнительный органнал, судирттал ва ихтиярду дуруччай органнал политикийсса партиярттал, жяматийсса организациярдал вакилтал ва СМИ-рдал каялувчитал.
Февральданул 4-нний ДР-лул ЦIуллушиву дуруччаврил министерствалий ДР-лул Президентнал кIанайма Рамазан АьбдуллатIиповлул ккаккан унни цIусса министр Танка Ибрагьимов.
Февральданул 4-нний ДР-лул Президентнал кIанайма Рамазан АьбдуллатIиповлул дунни республикалул маэшатрал ва политикийсса тагьарданул масъалартту ххалбигьлагьисса совещание. ДР-лул Президентнал прессалул къуллугърал бувсъсса куццуй, совещаниялий гьуртту хьунни ДР-лул Госсекретарь Такибат МахIмудова, ДР-лул Мюхчаншиврул советрал председатель МахIаммад Баачилов, ДР-лул Президентнал управлениярттал хъуними ва цаймигу.
