Инт. КутIасса бухьурчагу ва махъ, ванил инсаннал дакIниву хIасул бувайсса асардумур лахъисса хIаллайсса ва чаннасса бикIай. Му тIабиаьтрал чIумух ялугьий бикIай инсантал, ичIаллил ва вахIшими хIайвант, лухччиний ххяххайсса уртту, мурхьру.
Запись
Хъарас щаврил байран Гъумук
Лакрал хъуншагьрулий, мина-гьанулул агьлу сайки бухвалавгун, лагма щархъавасса, хIатта чил миллатиртталссагума чIяву хьусса чIумал, ппухълуннал аьдатру ядангу къабигьар. Инт дучIаврищал лакрал щархъаву байбивхьунни Хъарас щаврил байранну дуллай.
Запись
Арцу духьурча, даву дан бигьассар
Агарда ххуллурду ремон бувансса давурттив жухьхьун къадулурча , ххуллурду ябаврин итадаркьусса арцуйну чIалачIисса давурттив дуван бюхълай бакъар. Уттигъанну ххуйсса, дяркъу дакъасса, кIюрх духьувкун, на ссят 9 хьуннин Ваччав иянсса кьяйдалий, буттал шярава Вихьлияту пуч ххуллийн увкссияв. Бунияла яруннил хьхьичIсса лахъ зунттал цала чурххардийсса «кIяла хурурду» бачIи цигантуран бавххуну, ливчIминнулгу хъачIурдияту ликкан бувну бия.
Запись
«ОьрчIалми вяйлиявуртту чIяру хъанай дур»
Аьмну хьуну дур 32 кьанун зия дуваву. Миннувату дур 13 экономикалул зумунусса, 4 цурк бувсса, 3 дур ярагъ ябуллай икIаврицIун дархIусса ва мукунна личIи-личIисса багьанарттащалсса.
Запись
Лакрал диндалул тарих аваданссар
Уттигъанну МахIачкъалалив СайидмухIаммад-хIажи Абубакаровлул цIанийсса фондрай хьуну бур Теологиялул институтрал муаьллим Аьйшат-хIажи ХIажиевал «Лакрал щайхтал, валийтал, аьлимтал» тIисса лу дунияллийн буккаврин хасъсса хъунмасса конференция. Ва иширая чивчуну буссия жул хьхьичIмур номерданийгу.
Запись
Агьалинаха ва элмулуха зий
Апрель зурул 15-нний 75 шин хьунтIиссар ттизаманнул медицина хьхьичIуннай давриву биялсса бутIа бивхьусса ва медициналул тарихраву цIа личIантIисса машгьурсса хирургнан, 1-мур ЦIувкIратусса Щайхрамазаннул арс Рамазанов КьурбанмахIаммадлун, медициналул элмурдал докторнан, профессорнан, восстановительно-сосудистая хирургиялул центрданул хъунаманан.
Запись
Дуккаврил масъалартту ххал бигьинтIиссар
Апрельданул 10-нний Журналистурал пресс-клубраву хьунни чIал къавхьуну Дагъусттаннай хьунтIисса цалчинсса образовательная выставкалун хас дурсса пресс-конференция. Щалвагу Аьрасатнал лагрулийсса му выставка «Путь к карьере: ученик – студент – профессионал» тIисса цIанилу дикIантIий дур Р. ХIамзатовлул цIанийсса Миллатрал библиотекалуву апрель зурул 19-20-нний.
Запись
Уттигу ца Аьрасатнал чемпион
Мартрал 15-18-нний Москавуллал областьрайсса Раменское шагьрулий хьусса, яруннин чани чанминнал дянив шайсса, дзюдолул Аьрасатнал чемпионатрай ххув хьунни лакку оьрчI Заур Жабраилов. Жун кIулну ва хъанай ур лакравату хьусса дзюдолул цалчинма билаятрал чемпион.
Запись
Евразиянал чемпионатрай
Мартрал 29-31-нний Бакуй хьунни М-1 ва К-1 версиярттайсса стритфайтинграл Европанал чемпионат (хIала-ккаласса боевой искусствардал чемпионат).
Запись
Спортрал школардал дянивсса бяст-ччал
Ккуллал райондалий, Ккулув ва Вихьлив, бур кIива жагьилтурал спортрал школа. ЧIун-чIумуй вай школардал дянив шай бяст-ччаллий буклакисса хьунабакьавуртту. Апрельданул 7-нний Вихьуллал шяравусса спортшколалул залдануву хьунни ацIра волейболданул команда бяст-ччаллий дуклакисса соревнования.
