Ларгсса нюжмардий Лакрал райондалул КIамахъаллал къутандалий хьунни шяраваллил хозяйствалул предприятиярттал каялувчитуращалсса совещание. Совещание датIин хьхьичI Лакрал райондалул администрациялул бакIчинал буржру чIумуйну биттур буллалисса Абакар Къюннуев лавгуна Сангардал школалийн ва Кьубиял школа-интернатрайн учительницахъул ялун нанисса Хъаннил байрандалущал барча бан.

Мартрал 4-нний Каспийск шагьрулийсса «Москва» тIисса культуралул центрдануву дунни, 8-мур мартрал кьинилун хасъсса, ДР-лул Президентнал цIаниятусса, хъаннинсса хъамалушин. ХIасан Аьдилов Тикку гьуртту хьунни ДР-лул Халкьуннал Мажлисрал Председатель Хизри Шихсаидов, ДР-лул ХIукуматрал Председатель Мухтар Мажидов, цаймигу къуллугъчитал, хъами – республикалул жяматийсса иш­ккаккулт. Республикалул каялувчи Рамазан АьбдуллатIиповлул бавтIминнахь барча увкунни ялун нанисса Хъаннил байран. Ганал бувсунни жулва...

Февраль зурул 23-нний жула билаятрай лахъа-хъунну кIицI дувайссар Ватан дуруччайминнал кьини. Ва паччахIлугърал тарихраву ца агьамсса байранну ккалли хъанахъиссар. Жула халкьунначIа мудангу бивкIссар ватан дуручлачиминнал, аьралитурал хIурмат. Аьралиталгу бивкIссар Ватан ххирасса, яхI-къирият, чувшиву дусса.

Февраль зурул 15 – нний МахIачкъалаллал 37 – мур школа-гимназиялий хьунни «Тебе доверяет Родина» тIисса аьрали-патриотический клубрал ирглийсса бяс-ччал. Цувгу хас бувну бия Ватан дуруччултрал кьинилун. Му сакин бувну бия ДР – лул жагьилтурал иширттал комитетрал жагьилтал ва оьрчIру ватан ххирану тарбия баврил центрданул кумаграйну. Клубрал дуллалисса гьарцагу даву хас дувайссар билаятрал тарихраву агьамсса кIану...

Ларгсса нюжмар кьини Юсуп МахIаммадовлухь ряхра шинал лажиндарай Лакрал райондалул цIаний бувсса захIматрахлу барчаллагьгу учин, мунал цIусса лавайсса къуллугърал давриву тIайлабацIугу чIа учин бувкIун бия райондалул актив. Дагъусттан Республикалул Президентнал ХIукмулийн бувну, Лакрал райондалул администрациялул бакIчи Юсуп МахIаммадов ивтунни ДР-лул ХIукуматрал хъунаманал хъиривчуну.

Багьандаран къаучайхьун­ссар «Оьрмулуву виричушиву дуван бучIисса кIанттурду чIявусса бикIайссар» куну. Ялагу учай, «Ххуйсса даву чIун ларгун махъри янилун дагьай­сса» куну. Оьрмулул дуламантту чIярур, кIицI буллалисса му­къурттивугу духьунссар цинна лархьхьусса хIисавгу. СССР ппив хьуну махъ, Ккуллал райондалийсса жямат­рал оьрму цахъис хIаллай гава бущилий найгу бивкIун, хъирив ххярклийн багьунни. Ва уттисса чIунгу, хIухчу хъирив акъасса, яттил ттурзан...

Очерк с известным врачом военного госпиталя, Ахмедом Магомедовым. ХIакин тIисса мукъул инсаннал дакIниву цалчин хIасул дувай, пара- кьатшиврущал, оьрмулул гьунттиймур кьинилийнсса умуд бишин бавугу. Буниялагу, Заннал инсан дунияллий ляхъан увну ухьурча, ганал цIуллушиву байча щилан дикIайхтурив, хIакин ур инсаннал цалчинсса чIарав ацIугу, кумагчигу. Хаварду чIявусса бикIай хIакинтурал кIулшиву хьхьарасса ва авадансса душивриятугу. Бюхъай ми хавардавусса...

Щалла дунияллий щар ххуй НицIавкIул Аьлимтурал мина, аькьлулул кьулла, Щалла дунияллий щар ххуй НицIавкIул. Халкьуннал балайлува.

ДакIнийхтуну барча уллай буру жучIава хIурмат бусса, ци даврий ухьурчангу, дуваймур усттарну щаллу дувайсса, мукъул заллушиву дуван кIулсса, цIусса ДР-лул ХIукуматрал вице-премьерну ивтсса МахIаммадов Юсуп ХIамидлул арс. Барча уваврищал, гихуннайсса давриву тIайлабацIу баннав тIий буру жулва Да­гъусттан тIутIайх бичин буван, агьалинал ахIвал лавай гьаз буван.

ДакIнийн дутлай нава школалий дуклай бивкIсса шинну, ттухьра дарсру дихьлай бивкIсса учительтал, ттун хъамакъаитай ттула ххирасса учитель Мусал арс Эса, цалгу математикалул дарсру дишайсса диркIсса, цал ЧIяйннал, яла СумбатIуллал ва цаймигу школардай.