МахIаммадхIажи Маккуев, Республикалул Ветерантурал-педагогтурал ва насихIатчитурал советрал председатель: – Ларгсса нюжмар ттун дакIний лирчIунни Республикалул Халкьуннал творчествалул къатлуву хьусса «Добрых рук творенье» тIисса, гьунар бусса художник, Ваччиял шяравасса Ибрагьим Ссунгъуровлул выставкалийну. ТIайламур бусан, махъсса ппурттуву, коронавирусрацIун дархIусса тагьар сакин шаврийн бувну, буруккинттарай уссияв ванал выставкалун дайшишру къашайссания тIий. Ва ххуллух цукун-бунугу тIайлабацIу хьунни. Ссунгъуровлул творчество...

Ттун цакьнивагу ва иш хIисав хьуна, амма вания ихтилат бансса гьуз учаву хьунни уттигъанну. Чаннах арцу дулун авцIуну унува, ялун бувкIсса ца хъамитайпалул ччаннавун дуртсса, коронавирусрая мугъаят хьуншиврул лаххайсса маска ккаккан дуруна ттун. Гьай-гьай, ттун гацIана бувчIуна гай экьидичлан къабучIишиву. Гайннуйрихха бикIайсса азардал микробру. Ми маскарду чара бакъа ччуччин аьркиншиврия буслай бур телевизордавухгу. Мукунна азарханардай,...

Республикалул каялувчи Сергей Меликовлул каялувшиврий ноябрьданул 24-нний хьунни ДР-лул БакIчиначIасса Граждан обществалул ва инсаннал ихтиярдал советрал батIаву. Сергей Меликовлул тIи­мунийну, жяматирттал идарар­ттал вакилтуращалсса хьунабакьавуртту дуллантIиссар гьарца зуруй. Республикалул каялувчинал бувсунни Совет сакин баврил мурадрал хIакъираву. – Жяматийсса давуртту канилух дуккаврийну зуща бюхъантIиссар дузал буван чIявусса масъалартту ва инсантуран буллан бунияласса кумаг, – кунни Дагъусттаннал БакIчинал....

Татар мазрал 100 учительнан грантру дулунтIий бур Татарсттан Республикалий 100 инсаннан дулунтIий бур гьарцаннан ххюцIа-ххюцIалазарда къуруш. ХьхьичIунсса преподавательтал личIи бувантIий бур дарсру дишаврил кьяйдарду, бюхъу-тяхъа, мукунма миннал учениктурал конкурсир­ттайсса ва олимпиадарттайсса гьурттушинна хIисавравун ларсун. Декабрь зуруй хьхьичIунсса учительтал личIи бувну, грант хIисаврай, бахшишран ххюцIа-ххюцIалазарда къуруш арцул гьарцаннан дулунтIий бур. Ши­ккува бусанна Татарсттаннал министртал хасъсса курсирдай...

Ноябрьданул 26-нний хьунни ДР-лул Халкьуннал Мажлисрал 51-мур (ноябрьданул) сессия. Му бачин бувну ия парламентрал Председатель Хизри Шихсаидов. Сессиялий гьуртту хьунни ДР-лул ХIукуматрал Председательнал буржру чIумуйсса бартбигьлагьима АьбдулпаттахI Амирханов. Сессиялий ххал бигьлагьи­сса масъаларттавасса хъунмур бия «Дагъусттан Республикалул 2021 шинайнсса ва пландалийсса 2022- 2023 шиннардийнсса бюджетир­ттал хIакъираву» тIисса ДР-лул закондалул проектралмур. Проектрал гьануми ккаккиярттая бувсунни финансирттал министр...

Уттигъанну видеоконференциялул журалий хьунни АьФ-лул Культуралул министерствалул совещание. Му дачин дурну бия Аьрасатнал культуралул министрнал хъиривчу Ольга Ярилова. Дагъусттан Республикалул чулуха совещаниялий гьуртту хьунни культуралул министр Зарема Буттаева. Совещание хъунмурчIин хас дурну дия билаятрай «Культура» тIисса национал проект щаллу даврил масъаларттан. Яриловал дакIнийн бувтунни Культуралул советрал батIаврий билаятрал Президентнал, маданиятрал кIулшивуртту ласаврихсса къулагъас ларай дуллай,...

Ноябрьданул 24-нний ДР-лул БакIчи Сергей Меликовлул республикалул ХIукумат гьан дунни отставкалийн. ЦIусса хIукумат дузал даннин Республикалул Министртурал кабинетрал члентурал цалва къуллугърал буржру бартбигьлантIиссар «врио» тIисса даражалий. ДакIнийн бутанну, цIанасса ХIукумат дузал дурну диркIссар 2018 шинал Артем Здуновлул председательшиврий. Ноябрьданул 18-нний Аьрасатнал Президентнал Здунов ивтссар Мордовия Республикалул БакIчинал буржру чIумуйсса бартбигьлагьиману. ДР-лул ХIукуматрал Председательнал буржру чIумуйсса...