Аьрасатнал Президент Владимир Путиннул дагъусттанлувтал барча бунни ДАССР сакин хьуну 100 шин шаврил кьинилуцIун. «Ттуршукурдал манзилданий Дагъусттан хьуссар чIявусса халкьуннан ичIалуну. Миннал авадансса тарихрал ирс, аьдатру ва дузалшиндарансса захIматрахсса ччаву, цала кулпатрахсса аякьалийсса ара най дур никирая никирайн. ХIакьинусса кьинигу зу бусравну ябуллай буру ми адав-мяърипатрайсса ххазинарду. ЗучIа даиман бусравну бур цIа дурксса ватанлувтал –...
Аьрасатнал Печатьрал кьинилул бухкIуллий, январьданул 12-нний, ДР-лул БакIчи Сергей Меликов хьунаавкьунни федерал, республикалул ва кIанттурдал СМИ-лул вакилтуращал. Сергей Меликовлул журналистурахь барча дунни пишакаршиврул байран. Мунал тIимунийну, СМИ-лийн мукьулчинмур власть чайсса нахIакьдан бакъар, цанчирча информациялул майданнив хъанахъимунил асар биян буллалиссар кьамул буллалисса хIукмурдал оькки-ххуйшиврийн ва ми дузрайн буккан баврийн. Му байран дархIуну дур ттизаманнул жяматраву СМИ-лул...
Январь зурул 12-нний АхIмад-хан Султаннул цIанийсса МахIачкъалаллал аэропортрая «Азимут» авиакомпаниялул цIу дуккан дунни Минводылийнсса рейсру. Ва рейсрайн цалчин билет лавсъсса пассажирнан дуллунни кIивагу чулухунмай уква леххансса сертификат ва дакIний личIансса сувенир. Ва авиакомпаниялул МахIачкъалаллал аэропортрая рейсру дуллантIиссар нюжмардий кIийлла, арвахI ва алхIаткьинирдай. МахIачкъалалия самолетру лехлантIиссар 11:45 минутраву. Минводылийн биллантIиссар ца ссят ва ххюра минутрал манзилданий.
Вай гьантрай Дагъусттаннал муфтиятрал сипталийн бувну буллай бивкIсса «Исламравусса ас-намус» тIисса конкурсрал хIасиллу дунни. Шикку гьурттушинна дурссар Дагъусттаннал паччахIлугърал педагогикалул университетрал, Дагъусттаннал паччахIлугърал университетрал, Дагъусттаннал гуманитар институтрал, Гуманитар-педагогикалул колледжрал ва М.А. Жамаллул цIанийсса Дагъусттаннал художествалул училищалул студентътурал. Конкурсрал жюрилуву бия политикалул элмурдал кандидат Ханжан Кьурбанов, тарихрал элмурдал кандидат ПатIимат Ибрагьимова, филологиялул элмурдал кандидат ГулмахIаммад ГулмахIаммадов...
Дагъусттаннал Госавтоинспекциялул зузалтрал гьарица кьини МахIачкъалаллал 2-мур базар бусса кIанттурдай рейдру дуллай бур, шикку къадагъа дуллалисса кIанттурдай машинартту бацIан къабуллан. Рейдру дуллалисса полициялул зузалтрал бусласимунийн бувну, яла чIявуну хьунабакьлай бур кIилчинсса кьюкьа дурну машинартту бацIан бувсса ишру. Миннул дайшишру дуллай дур цала ххуллийх нанисса машинарттан ва чIявусса инсантал бусса кIанттурдай сакин хъанай дур къаххуйсса тагьар....
Декабрь зурул 24-нний Москавлив, Аьрасатнал Жяматийсса палаталуву, хьунни Национал иширтталсса буллалисса федерал агентствалул (ФАДН) цIуну бувчIусса Жяматийсса советрал цалчинсса заседание. Ва советрал председательну увчIунни жула лаккучу, ХIадислул арс Анвар ХIажиев. Зий уссар Анвар Ухссавнил Ккавкказуллал иширтталсса буллалисса министерствалул агентствалул гендиректорнал маслихIатчину. 2016 шинал Анвар ХIажиев лайкь хьуну ур Аьрасатнал Президент Владимир Путиннул цIаниятусса барчаллагьрангу. Барча...
Январь зурул 14-нний Буйнакскаллал азарханалийн багьсса оьрчIачIан ивунни АьФ-лул ПаччахIлугърал Думалул депутат Аьвдулмажид МахIрамов. Шикку МахIрамов хьунаавкьунни мюрщисса къашайшалтращал, цIухху-бусурду бунни миннал нитти-буттахь ва хIакинтурахь. Азарханалий оьрчIан, хъирив лавну, ххалгу бивгьуну, буллай бур багьайсса куццуйсса медициналул кумаг. ХIакинтурал бусаврийн бувну, цIанасса ппурттуву оьрчIру ххуйну бур, вайннава чIявуми шаппай итабавкьуну бусса бур. Азарханалий ливчIми оьрчIангу анаварсса...
«Вуз здорового образа жизни» тIисса цIанилусса щалагу Аьрасатнал ХI конкурсрай ххув хьунни Дагъусттаннал паччахIлугърал медициналул университет. Ва даврил сиптачину хьунни Аьрасатнал медициналул ва фармацевтикалул вузирдал ректортурал совет. Конкурсраву цинявппагу гьуртту хьуссар АьФ-лул ЦIуллу-сагъшиву дуруччаврил министерствалул биялдаралу зузисса ларайсса пишакаршиврул кIулшиву дулайсса 29 дуккаврил идара. Конкурсрал комиссиялул дурсса хIасиллайн бувну, гьурттучитал ххув хьуссар мукьра номинациялий. Миннувасса...
Аьрасатнал хьхьичIунсса авиакомпаниярттай зузисса, итххявхсса летчиктуравух хьхьичIунну бур цикссагу дагъусттанлувтал. Вай гьантрай жул редакциялул хъамаличуну хьунни «ЮТэйр» авиакомпаниялул пилот, Хъусращиял шяравасса НурмахIаммадов Ширвани Аьвдуразакьлул арс. – Акъахьунссар оьрчIну уний гьаваллавун леххансса гъира къабивкIсса цаягу жагьил. Ширваний, оьрчIнийва буссияв вин летчик хьунсса хиял? – ТIайламур бусан, на икIайссияв хIакин хьунна тIисса пикрирдай. ХьхьичIунсса хIасиллащал Каспийскаллал 7-мур...
Январьданул 15-нний, 16:00 ссятраву, Дагъусттаннал Художниктурал союзрал залдануву хьунтIиссар «Дагъусттаннал щаращив» цIанилусса Республикалул декоратив-прикладной ва изобразительный искусствалул выставка. Мунил сакиншинначиталну бур ДР-лул Культуралул министерство, Республикалул Халкьуннал творчествалул къатта. Выставка хьунтIиссар Дагъусттан Республикалул Художниктурал союзрал кабакьаврийну, Республикалул «Самородки» тIисса проектрал лагрулий. Ккаккиялий дикIантIиссар халкьуннал художествалул промыслирдал усттартурал каруннил дурсса 150-нния лирчусса даву: щаршсса, дурурххусса, бартбисуртту, чIюлушиннарду...
