Апрель зурул 1-нний дайдирхьунни инттусса призыв. Ссуттилмур призыв мобилизация сававну чIалну дайдирхьуссия. Уттимур ккаккан дурсса чIумуй дайдирхьунни.
Аьрасатнал Президент Владимир Путиннул хIукмулийну, инттусса призыв июль зурул 15-ннийнин лахъи лаган тIий дур.
Апрель зурул 1-нния байбивхьуну, призыврал комиссиярттал гьан дуллай буссар повесткартту, буцлай буссар призывниктал цIуллу-сагъшиврул тагьар ххал дан. СияхIру дурну махъ вай тIайла буккантIиссар аьралий частирдавун.
Графикрайн бувну, ЦIуссалакрал райондалул бакIчинал кIанайсса Сулайман Рамазанов ивунни райондалийсса циняв щархъавун, хьунаавкьунни жяматращал, ихтилатру бунни нитти-буттащал ва цащалва призывниктуращал.
Ванийн бувну, райондалий призыврал кампания аьркинсса куццуй ларгунни.
Повесткартту дуллуминнаву цаягу акъар аьралуннаву къуллугъ бан гьан къаччисса. Цинявннан баян бувссар ва цIанасса призыврай бувцумигу, хьхьичIва кунма, 12 зуруй къуллугъ буллантIишиву.
Призыврайн бувну аьралуннавун бувцуми хасъсса аьралий операция нанисса кIанттурдайн гьан къабантIиссар. Мукунма ми гьан къабантIиссар къуллугъ буллан Аьрасатнал цIусса регионнайн.
КIицI лаган, инттусса призыврай къуллугъ буллан буцлантIиссар армия къалавхъсса, 18 шиная 27 шинайн бияннинсса жагьилтал.
