ЦIуссалакрал райондалул кIулшивуртту дулаврил идарартту гьуртту хьунни «Вирттаврал симан» тIисса патриот проектравух. Ва проектрал мурад бур Буттал КIанттул цIанийсса Хъунмасса дяъвилуву гьуртту хьуну, чувшивуртту ккаккан дурминная, дяъвилул иширттаву гьуртту хьуминная, захIматрал ветерантурая кIулну, тарихрал кьимат буну, патриот зумуну жагьилтал тарбия баву.
КIулшивуртту дулаврил идарарттал чIирттайн лахъан дунни Ватандалул тарихраву цIарду яргну кьариртсса, оьрмулул ва захIматрал ххуллу лайкьну бивтсса инсантурал суратру ва минная бусласисса баннерду.
Вирттавраясса информацияртту бусса школарттал кьатIухсса чIирттай бур мобильный телефоннансса QR-код. Мунил кумаграйну дуклаки оьрчIаща бюхълай бур, официал порталданийн бувххун, Виричувнаясса гьарта-гьарзасса информация кIул бан.
Шиккува кIицI лаган, жагьилсса ник патриот зумуну тарбия даврил цIакьсса гьануну хъанахъиссар билаятрал тарихрал ва Вирттаврал чувшивурттал кьадру-кьимат бушиву.
