Щалагу Аьрасатнаву нанисса «Мы вместе» акциялувух гьуртту хьунни Ккурккуллал школагу. Уттинин школалул дуклаки оьрчIал чивчуссия Украиннаву хасъсса аьралий операциялуву гьуртту хъанахъисса саллатIначIан чагъарду. Утти оьрчIал ва учительтурал гьан дунни аьралитуран гъилисса лултту янна, жуларду, катIри, кьяпри, свитерду, мукунна дука-хIачIанмур дирхьусса посылкартту. Вайннувух цила чулухасса посылка дирхьунни шяравасса ПатIимат Барххулаевалгу.

– Посылкартту тIайла дурккун махъ, жухь циван къаучарду, жугу хIала буххантIиссияв тIий бия шяраваллил агьлу. Мяйжаннугу, жяматран баян бувссания, цинявппа гьуртту хьунссия ва акциялувух.
Уттиния тихунмайгу, школалул чулуха бикIу, жямат­рал чулуха бикIу, жула аьралитуран шайсса кумаг бан хIарачат банну, – тIий ур школалул директор Кьурбан Гъужиев.