![](https://ilchi.info/wp-content/uploads/2021/12/said_ilyasov3.jpg)
Москавлив баян бунни щалвагу Аьрасатнал кIулшиву дулаврил журналистикалул «ПРО Образование 2021» тIисса конкурсраву ххув хьуминнал цIарду. Ва Аьрасатнал Просвещениялул министерствалул сийлийсса конкурсри. «Блогер года, рассказывающий про образование» тIисса номинациялуву ххув хьуну ур Мираблул арс Саэд Илиясов, юрист, «Твоя грамотность» тIисса инстаграм-блограл автор.
КIива мукъуйну учин, оьрус маз лахьхьин буллалисса жагьил. Буниялттунгу, оьрус мазрал кIулшивуртту куртIгу, цIакьгу дуван ччиминнан Саэдлул блограяту ва «Твоя грамотность» тIисса луттираяту хъунмасса мюнпат бур. Ванал проект машгьурну дур, ялу-ялун машгьургу хъанай дур. Просвещениялул министерствалулгу багьавай лахъсса кьимат бивщуну бур ванал дуллалисса даврин. Саэд, тIайлабацIу баннав уттиния тинмайгу дагъусттаннал жагьилтал дуккавривугу, элмулувугу хьхьичIунсса бушиву исват буллан.