Насир ХIажихановлул цIанийсса оьрчIал ва жагьилтурал спортрал школалул директор Гирги Оьмаровлул бувсунни школалийн заназиминнал вакцинартту баврил хIакъираву. Мунал тIимунийну, цIанасса ппурттуву спортшколалий каникуллу дур сентябрьданул 1-ннийнин. Школалийн занай ур 51 чIаважагьил. Цаппара спортсментурал инттува бувну бур вакцинартту, цанчирча ца чулуха дур прививкартту даврил тIалавшин, гамур чулуха – азар лахъавриясса нигьачIаву. «На навагу, тренертуралгу бувссар вакцина ччянива, жуятура спортсментуралгу эбрат ласаву мурадрай.
ЦIанасса ппурттуву чIалай бур вакцина къабарча, школалийн къабитлантIишиву. Мунияту жу циняв вакцинартту къабувминная тIалав барду ххалаххив чара бакъа буван, бусарду къабувну школалийн бучIан ихтияр дакъашиву. ЛивчIминналгу буллай бур. Умуд бур каникуллу къуртал хьуннин цинявннал баншиврий», – увкунни школалул директорнал.
