«ДакIнийхтуну барча тIий ура жулва лачIунбуккултрахь Европанал чемпионатрайсса ххувшаву. ЦIунилгу жулва спортсментурал рай къабуллунни муттаэтурахьхьун ва мютIи бунни щалва пьедестал цайнма.

Аьрасатнал командалуву Дагъусттаннаяту ккаккан увну ивкIссар 5 лачIунукку, миннавату мукьуннал ларсунни мусил медаллу: АьппасхIажи МахIаммадовлул, Загьир Шахиевлул, МахIаммад Кьурбановлул ва Аьлихан Жабраиловлул.
Жува пахрулий буру жула оьрчIая, миннал дуручлай бур Дагъусттаннал лачIун буккаврил школалул яла хъинми традицияртту ва цала пагьму- гьунарданийну бюхттул дуллай бур жулла республикалул цIа. ХIакьину жулва чемпионтал хъанахъиссар ттуршахъул оьрчIансса эбратну.
ЧIа тIий ура зун цIакьсса цIуллушиву ва ттинияр тихуннайсса ххувшавурттайнсса вихшаву!» – тIий бур барча баврий.