«Агьалинал ва властьрал дянив барурду бикIан къааьркинссар»
Уттигъанну совещаниялий Каспийск шагьрулул бакIчи Борис Гонцов увкссия шагьрулул администрациялул къатрал лагмасса муххал чапар дукьансса сипталущал.
– Агьалинал ва властьрал дянив барурду бикIан къааьркинссар, – увкуна ванал.
Увкусса куццуй, вай гьантрай дукьан дунни администрациялул къатрал лагмасса муххал чапар. Администрациялун пикри хьуну бия му чапар шагьрулул цания ца оьрчIал садикран дулун. Миннувугу язи бувгьунни шагьрулул 14-мур ДОУ. Мунил зузалт ва оьрчIал нину-ппу хъунмасса барчаллагьрай бур цанна мюхтажшин диркIсса чапар щаллу даврихлу.
