БатIаву дачин дурну ия ДР-лул экономикалул ва территориярттал лябуккулул министр ХIажи Султанов. Министрнал тIимунийну, 2035 шинайннинсса ДР-лул Социал-экономикалул лябуккулул стратегия ва СКФО-рал Стратегиялул давуртту дуллантIиссар цанницIун ца дакьин дурну.
ДР-лул ХIукуматрал Председательнал 1-ма хъиривчу ХIажимахIаммад ХIусайновлул бусаврийну, СКФО-рал Стратегия хIадур дуллай бусса бур Аьрасатнал МинэкономразвитиялучIасса ВАВТ-рал Советрал зузалт, минналла хIадур дурну дур Дагъусттаннал лябуккулул стратегиягу. Мунал бувсунни республика лядуккан даврил цаппара агьамсса ххуллурдаяту. ХIажимахIаммад ХIусайновлул тIимунийну, стратегиялул масъаларттая дуван аьркинссар балжисса программа.
БатIаврий ихтилат бунни Аьрасатнал Минэкономразвитиялул СКФО-рал стратегиялул ва инвестициярттал лябуккулул департаментрал директорнал хъиривчу Сослан Абисаловлул.
Гара кьини хьунни мукуннасса ххал бигьаву АьФ-лул Минэкономразвитиялулгу, ДР-лул Минэкономразвитиялулгу, жяматрал чулухасса вакилталгу, экспертъталгу гьурттуну.
ХI. Аьдилов
