[dropcap]А[/dropcap]ьрасатнал ЦIуллу-сагъшиву дуруччаврил министерствалул фтизиопульмонологиялул ва инфекциялул цIуцIавурттал НМИЦ-рал
директорнал хъиривчу Вадим Тестовлул каялувшиндаралу
вай гьантрай Дагъусттаннайн бувкIунни инфекциялул цIуцIавурттащал талатаврил даву канилух дурксса пишакартал-инфекционистал, анестезиологтал, реаниматологтал.
Зулайхат Тахакьаева
[dropcap]М[/dropcap]ахъсса зурул дянив Вадим Тестовлул ва шамилчинсса аьрххир Дагъусттаннайнсса, мунияту ванан ххуйну кIулну дур МахIачкъала шагьрулул цIуллу-сагъшиву дуруччаврил идарарттал тагьар.|
«Жул группалувун бухлай бур ттинингу зул хIакинтуращал дистанционныйну зий бивкIсса федерал центрдал пишакартал. Амма ва захIматсса тагьардануву аьркинну бур кIантту-кIанттурдайва кумаг бан. Дагъусттаннал цIуллу-сагъшиву дуруччаврил министрнащалсса совещаниялия махъ жу, бригадарттайх бавчIуну, зун тIий буру районнай ва шагьрурдай, къашайшалтращал ва хIакинтуращал кIантту-кIанттурдайра консультацияртту дуллай», — увкунни Вадим Тестовлул.
[dropcap]В[/dropcap]анал кIицI лавгунни Дагъусттаннал инфекциялул цIуцIавурттал центрданий зий бушиву лавайсса даражалул пишакартал ва багьайсса даражалий кумаг буллай бушиву къашайшалтран.
