![](https://ilchi.info/wp-content/uploads/2020/01/gfhghrt546tr.jpg)
Ларгсса шинал ахирданий Ккуллал райондалий хьунни тарихрал дарс дишаврил учительтураву яла ххуйну дарс дишайма язи угьлагьисса конкурс.
[dropcap]В[/dropcap]а конкурсрай ххув хьума гьан тIий ур уттигу цал зоналулмур конкурсрай гьуртту хьун. Гикку ххув хьума гьантIиссар республикалул лагрулиймур конкурсрай гьуртту хьун.
Ккуллал райондалий конкурсравух гьуртту хьусса учительтурава жюрилул язи увгьунни Вихьуллал школалул тарихрал дарсирал учитель Аьшаев Салим.
[dropcap]Н[/dropcap]уруллагьлул арс Салим увссар Вихьуллал шяраву Аьшавхъал Нуруллагьлул ва КIуруххъал ПатIиматлул кулпатраву 1969-ку шинал. Къуртал бувссар ЧIяйннал шяраву мяйва класс. Гания махъ къуртал бувссар Буйнакскаллал педучилище. Зий унува, къуртал бувссар Дагъусттаннал Педагогикалул институт. Учительну зий Салимлул хьуну дур 29 шин. Ва ур лахъмур категориялул учитель.
Жувагу чIа учинну Салимлун вания гихунмайгу ххуй-ххуйсса тIайлабацIуртту.