[dropcap]Я[/dropcap]нварьданул 3-нний ДР-лул Премьер-министр Артем Здуновлул ххал дунни МахIачкъалаллал аьпттикIирттал давуртту.
БакIрай му увкIунни Ярагъскийл кучалийсса цаппара аьпттикIирттайн. Миннувух – «36,6» ва «ЦIуллушиву» тIисса аьпттикIирттайн.
ДР-лул ЦIуллушиву дуруччаврил министерствалул АьпттикIирттал управлениялул хъунаманал буржру чIумуйсса бартбигьлагьима Х. Магьдиевлул тIимунийну, ми цивппа заллусса аьпттикIру зий бур розницалий дахху-ласу дуллай хьхьугу, кьинигу. Микку, провизортуращал гъалгъагу бувну, цаппара дарурттугу ххал бувну махъ премьер-министр мукIру хьунни, аьркинсса циняв даруртту бушиврий.
Магьдиевлул бусаврийну, цIанасса ппурттуву дарурттал щаллу буллай бур хIаллихшинну думигу. Ларгсса шинал региондалул хIаллихшиннайну даруртту ласун личIи дурну диркIун дур 200 млн. къуруш. Уттигу лирчIун дур сайки 100 млн. къуруш федерал хIаллихшиннан хасну. Машан лавсъсса циняв даруртту бувкIун бур, дарурттал луртан дур.
Премьер-министрнал Жамалуттин ХIажиибрагьимовлуйн тапшур бунни масъалалул ялув ацIан.
ХIадур бувссар
ХI. Аьдиловлул
