[dropcap]О[/dropcap]ктябрьданул 31-нний МахIачкъалалив хьунни Дагъусттаннал парламентрал 39-мур сессия. Сессия бачин бувну ия парламентрал спикер Хизри Шихсаэдов.

Депутатътал рязи хьунни республикалул личIи-личIисса судирттал участокирттай 9 дакьаврил судья итаврий.
— КIийлла дурккуну кьамул дунни цаппара законнал проектру: «БувчIавурттал ва референдумирттал хIакъираву» тIисса ДР-лул Закондалий дахханашивур­тту даву», «ДР-лул вацIрал арарду цалийн дуцаврил хIакъираву» тIисса ДР-лул Закондалий дахханашивуртту даву», «ДР-лул чIявуквартирартту бусса къатраву аьмсса хъус-хъиншивурттал капитал ремонт даврил сакиншиндарал хIакъиравусса» ДР-лул Закондалий дахханашивур­тту даву» ва цаймигу.
Законнал проектру хIадур дурминнал бувчIин баврийну, миннуву тIайла бацIан бавур­тту дуллалиссар, федерал законнай цаппара нормарду баххана шаврицIун бавхIуну.
Дахханашивуртту дунни цаймигу законнал проектирдаву.