Уттигъанну Каспийск шагьрулул 6-мур школалий хьунни шагьрулул школарттал дуклаки оьрчIру Щалагу Аьрасатнал оьрчIал ва чIава жагьилтурал «Юнармия» тIисса аьрали-патриот зумунусса суккушиндарал кьюкьравун кьамул буллалисса шадлугъ.
ЦIакь хьусса аьдатрайн бувну, дуклаки оьрчIал бувунни хъа цала билаятрал лайкьсса гражданталну къуццу тIун, чIава аьралитурал цIа лайкьну, пахрулий ларсун бачин, вирттаврал аьпа буручлан, дуккавривусса ва спортравусса ххувшавурттайн хъит тIун.
ОьрчIру барча буван бувкIун бия шагьрулул бакIчинал хъиривчу Людмила Левицкая ва шагьрулул аьрали комиссар Геннадий Кьурбанов. Людмила Левицкаял оьрчIру барча бувна шагьрулул бакIчи МахIаммад Аьбдуллаевлул цIания. Геннадий Шихаьлиевичлул дакIнийн бувтуна чIава аьралитуран дагъусттанлувтал мудангу, нигь-ццах дакъа, хьхьичIунну къуццу тIий бивкIшиву, хаснува ватандалул ххуллийсса давурттаву.
