[dropcap]Ч[/dropcap]Iал къархьуну республикалий зунтIиссар «Мюхчансса ва къулайсса ххуллурду» тIисса федерал программалуха лархьхьусса цалчинсса регионал программа.
Ванин харж бансса 770, 8 миллион арцул субсидиярттал, муниципалитетирттал ва республикалул бюджетирттава итабакьин тIий бур.
ДР-лул Транспортрал ва ххуллурдал хозяйствалул министерствалул пишакарнал бусаврийну, аьмну проектрал мурад, ца социал бурж биттур баву дакъасса, транспортрал налог датIавриву районнал администрациярттал гьурттушиндарал даражагу лахъ бансса бур.
Гьашину «Мюхчансса ва къулайсса ххуллурду» тIисса федерал программалул лагрулийгу республикалий бакьин бантIий бур районнал ва шагьрурдал дянивсса ххуллурдал 9,4 км. ва мукунма МахIачкъалаливсса 72 кучалийсса ххуллурдал 57 км.
