[dropcap]Ф[/dropcap]евральданул 4-нний ДР-лул ХIукуматрал председатель Артем Здуновлул каялувшиврий хьусса батIаврий ххал бивгьунни АПК-лул ва тIабиаьт дуруччаврил бутIуй зузисса ишру бартбигьаврил властьрал кIантту-кIанттурдайссаорганнащалсса хIала-гьурттушиврул масъалартту.
Артем Здуновлул тIимунийну, властьрал органнал дянивсса дахIаву хъанахъиссар цачIуну давуртту дузал даву, давуртту бартдигьланшиврул аьркинсса информациярттал дузал баву.
Ххал бигьлагьисса масъалалул хIакъираву ихтилат бунни ДР-лул ХIукуматрал председательнал хъиривчу, шяраваллил хозяйствалул ва бакIлахъиялул министр Аьвдулмуслим Аьвдулмуслимовлул. Мунал тIимунийну, цIанасса ппурттуву республикалий бур АПК-лул ва тIабиаьт дуруччаврил федерал органнал 20 зузи идара ва сакиншинна. Миннул хьхьичIсса масъалартту ккаккан байссар Аьрасатнал Шяраваллил хозяйствалул министерствалул, ТIабиаьт дуруччаврил министерствалул ва цаймигу ведомстварттал. Масалдаран, дукIу Дагъусттаннал Шяраваллил хозяйствалул министерствалул ДР-лул «Россельхозцентрданул» ФГБУ филиалданул хъинсса дахIаву сававну ччясса мутталий бювхъуна хъацIурдил кюртти бухлаган буван.
Ххал бигьлагьисса масъалалул хIакъираву ихтилат бунни ДР-лул тIабиаьтрал луртаннал ва экологиялул министр Набиюлла Къарачаевлулгу.
ХIадур бувссар
ХI. Аьдиловлул
