Аьрасатнал хIукуматрал махъсса шиннардий таксса инсаннал буруккинтру цила кьяйдалий Граждан кодексрайн хъар бувну бачин буваншиврул, личIи-личIийсса кьанунну итадаркьунни. Мукунсса ца кьанунналий зузисса, Ккуллал райондалийсса, «Федеральное бюджетное Учреждение, Кадастровая палата по РД в Кулинском районе» тIисса идара хъанай бур.
Ва идара тIивтIуния шинмай, ванил хъунаману зузисса Кантаев Багдан Рамазановичлул бувсуна ттухь ссан, циван аьркинссарив цува зузисса идара.
— На зузисса идаралул хIадур бувайссар кадастралул паспортру таксса инсантуран ва идарарттан. Ми паспортру аьркинссар къатран ва аьрщаран. Циван учирча инава заллусса къатри, аьрщи душиврий хIукуматрал аьмсса сияхIрайн лахъаншиврул, — буслай ур
Багдан Кантаев
— Жулла Ккуллал райондалий 2001 шиная шинмай зий буссар ялув кIицI бувсса идара. На зузисса идаралул хIадур бувайссар кадастралул паспортру таксса инсантуран ва идарарттан. Ми паспортру аьркинссар къатран ва аьрщаран. Циван учирча инава заллусса къатри, аьрщи душиврий хIукуматрал аьмсса сияхIрайн лахъаншиврул. Мунийн учай «Потверждение прав собственности» куну. Инсантурал мунийн «зеленка» учай. Му сияхIрайн лавхъсса чIумал хъуслил залуннаща бюхъантIиссар цува заллусса къатри, аьрщи хьуннав даххан, цаманаща машан ласун, пишкаш, аманат дуван, тIабиаьтраву шайсса апатIирттая (буранналия, чявхъалия, лекьрулия, цIу дагьаврия ягу цайми балардаяту) дуруччиншиврул цалла хъус страховать дуван. «Кадастр» тIисса мукъул мяъна дур «СияхIрайн ласаву» тIисса.
Багдан Рамазановичлул бувсмунийн ттула чулуха ххи буван ччива, шиккун ва идаралийн увкIсса инсаннал буржру Багданнул лахъи лаган къабуллай цачIана увкIма анаварну дузал уллай ия. Мукун на навагу дузал увунав.
Буниялагу укунсса цалла даву ххуйну кIулсса пишакартал жула райондалий бушавугу мугу жунмасса ца тIайлабацIу бушивуну хъанай бур.
