Уттигъанну ЧIяйннал шяраваллил администрациялул каялувчи МахIаммадов Исял ттун ккаккан дуруна Дагъусттаннал кIива министерствалийн цалва, Исял, чивчусса чагъардан дуллусса жавабру. Транспортрал, энергетикалул ва дахIаврил министерствалул дуллуну дур укунсса жаваб февральданул 21-нний 2018-ку шинал (жаваб рищунну, гъалатI къахьун, оьрус мазрайра).
«Рассмотрев Ваше обращение в адрес врио Главы Республики Дагестан Васильева В. А. по вопросу газификации сс. Кая, Хайми, Кулинского района Республики Дагестан, сообщаем:
С 2014 по 2017 годы финансовые средства на строительство газопроводов с целью дальнейшей газификации населенных пунктов Республики Дагестан не выделялись.
В связи с этим положительных решений по обращению населения о газификации населенных пунктов принято не было.
В настоящее время утверждена Программа газификации жилищно-коммунального хозяйства, промышленных и иных организаций Республики Дагестан на 2018-2022 годы. В рамках указанной программы предусмотрено строительство газопровода-отвода к с. Кумух, Лакского района, в т. ч. ПИР, протяженностью 37 км. ДУ-219мм.
Сроки начала строительства газопровода-отвода будут определены с учетом реальных возможностей бюджета Республики Дагестан.
По завершению строительства данного газопровода будут построены межпоселковые и внутрипоселковые газопроводы для обеспечения подачи газа в населенные пункты Лакского и Кулинского районов Республики Дагестан.
Первый заместитель министра (подпись) А. Арсланов»
КIилчинмур жаваб дур Минэкономразвитиялул чулухасса. Вайнналмур жавабрай бур, ялув жува кIицI бувсса министерствалул вихшала дишин буллалисса, газ Ккуллал райондалийн буцинтIишивриясса хIукму уттигу кьамул бувну бакъассар тIий. Цумур министерствалийнни вих хьун аьркинсса?
Мукунма «Илчи» кказитрай жува чIявуну кIицI лагару зунттавусса шяраваллу щинал дузалшиндарал чулуха лащинну душиву. Амма ва иш чулийн буккан буван дуллай дайдирхьусса давурттугу ахирданийн дуккан дурну дакъар.
ЦIуйшиял шяраваллил аьрщарайх, Щуну-зунттуйсса щаращая щин дуцлай, муххал бургъурду бивхьуну буссия. Ва давугу бакIуйн къадурккунни. ЧIяйннал шяраваллийн къаршину Хъуннеххай дуллай буссия Ваччав ва ЧIяв щин дуцинсса давуртту. Амма вайгу, дачIи дурну, дачIи къадурнура, лирчIунни.
Министерствалул жавабрай бур вай давурттан итадаркьусса арцуяту бувсун. Амма бакъар бувсун вай давуртту та къуртал дантIиссарив.
Ларгсса шинал гъинттул на ттула даврил иширай лавгссияв Ккуллал райондалийсса Хъусрал-ЧIарттал шяравун. КIикку шяраваллил чIарах нанисса неххай бия буллай бачIи хьуну кьабивтсса насосиртал станция.
Вай ца ЧIяйннал шяраваллил буруккинтту бакъар. Вай бур сайки цинярдагу зунттал шяраваллал инсантурал буруккинтту.
