[dropcap]М[/dropcap]артрал 6-нний ДР-лул ХIукуматрал Председатель Артем Здунов хьунаавкьунни ДР-лул Печатьрал ва информациялул министерствалул зузалтращал. Муний ххал бивгьунни министерствалул бартбигьлан аьркинсса агьамми масъалартту.
ДР-лул печатьрал ва информациялул министр Рашид Акавовлул бусаврийн бувну, Министерствалул агьамми масъаларттуну хъанай бур паччахIлугърал властьрал органнал дуллалисса давурттая агьалинахь бусаву. Мукунма СМИ-рдал агьалинахь буслан аьркинссар терроризмалул ва экстремизмалул идеологиялийн къаршисса программалий ккаккан дурсса давуртту цукун бартдигьлай буссарив. Республикалул информациялул бутIуву агьамсса кIану бугьлай бур миллатирттал мазурдийсса кказитирттал, миннул хъуннасса даву дуллалиссар миллатирттал культурарду ва аьдатру ядаврил ххуллий. Акавовлул тасттикь бунни циняв кказитру буклай бушиву электрон журалийгу соцсетирдаву. МуницIун бавхIуну Артем Здуновлул бувсунни паччахIлугърал СМИ-лул давурттаясса мюнпат лахъ буллан аьркинну бушиву.
ХIадур бувссар
ХIасан Аьдиловлул
