Ларгсса нюжмардий жулла республикалий лахъа-хъунну кIицI ларгунни Ниттил мазрал кьини. Му иш чIарах гьан къабивтунни 30-нния ливчусса миллатирттал вакилтал дуклакисса ДГУ-лул филологиялул факультетралгу.
Цалва оьрму мазру лахьхьаврин хас бувну, ва факультетрайн дуклан бувкIсса студентътуран ва байран щиннияргу гъансса дур. Гьарца шинал кунна, Ниттил мазрал кьинилун хас дурсса батIаву лавайсса даражалий хьунни факультетрал актовый залдануву. Шивун бавтIсса студентътурахь бувсунни Дагъусттаннал мазурдил тарихрая, лугъатирттая, ми цукунсса ва циксса буссарив. Студентътурал дурккунни цала-цала мазурдийсса назмурду. Хьунни викторина, «Жула аьмсса дагъусттан мазру» тIисса.
