Февраль зурул 26-нний байбивхьуну, Каспийскалий Аьли Аьлиевлул цIанийсса спортрал комплексраву шанма гьантлий най дия «WorldSkills Russia» тIисса захIматрал пишарду машгьур буллалисса региондалул II-мур чемпионат.

Дагъусттаннал БакIчи Рамазан АьбдуллатIипов гьуртту ­хьу­нни февральданул 27-нний Сочилий тIивтIусса Аьрасатнал инвестициярдал «Сочи-2017» форумрай. Форум тIивтIуну, махъгу лавхъунни АьФ-лул ХIукуматрал Председатель Дмитрий Медведевлул.

Ххачпарас диндалул агьулданул хьунадакьайсса байраннаву ца яла чаннамур, ца яла нахIумур байран духьунссар Масленицалул байран, кIинтнил ахирданий, интнил гьантрачIан гъанну хьунадакьайсса.

Февральданул 22-нний МахIачкъалалив хьунни ОНФ-рал (Общероссийский народный фронт) Дагъусттаннайсса отделениялул «Генеральная уборка/интерактивная карта свалок» тIисса Аьрасатнал проект дузрайн

Февраль зурул 28-нний Дагъусттаннал региондалийсса «Единая Россия» партиялул председатель Дмитрий Медведевлул кьамул бай къатлуву агьали кьамул бунни Аьрасатнал ПаччахIлугърал Думалул депутат Аьвдулмажид МахIрамовлул.

2008 шинал июнь зурул 10-нний дурксса «Об общественном контроле за обеспечением прав человека в местах принудительного содержания и о содействии лицам, находящимся в местах принудительного содержания» тIисса федерал закондалийн бувну (№76-Ф3) сакин бувну бур 9 инсанная хьу­сса Да­гъусттаннал ОНК (Общественная наблюдательная комиссия).

Лариса ХIажиева, Дагъусттаннал халкьуннал артистка. -Ларгсса нюжмардий на гьуртту хьура Москавлив Кремлилул Дворецраву хьу­сса «Террорданийн къаршисса музыка» тIисса проектрал лагрулий дурсса, хъуннасса агьамшиву дусса концертрай.