Къумашиву кIидачIлай буру
Ххуйсса инсанная ххуймур, хIакьмур учин такIуйвагу къачIалхьунссар. Мунияту, цал ялагу жула дяниву дакIнийн бутан ччай бур хъинну лайкьну оьрмугу бувтсса, учительнал пишарай зий чIярусса шиннугу хьусса, оьрмулуву ласайсса шагу инсаншиврул ххуллий лавсъсса, уттигъанну жула дянива лавгсса Аьбдулгъапурова
Аьжа ХIусайновна.
Ва жул дяниву дакIний личIантIиссар бусайсса мукъуй цIу бусса, цинма кIулмур цила даврил уртакьтуращал кIибачIин ччисса, хъинну цила пишагу, цила миллатгу, миллатрацIун бавхIуцири ххазинардугу ххирасса инсанну.
Аьжа ХIусайновна бия жула лакку мазрал ялун ци бучIанавав, ниттил маз бухлагарча, миллатрал ялун ци кьини дукканавав тIисса, мунил пашмансса ахир къахьуннав тIий дуаьлийсса хIакьсса лакку хъамитайпа. Оьрмулул хъунмургу бия школалун, шагьрулий яхъанахъисса оьрчIан лакку маз лахьхьин буллай, жула миллатрал аьдат-эбадатру, культура лахьлай, цила язи бувгьусса пишаран хас бувну.
Ва жул эбратъя, жул насихIатчия, даврил ялув ччимур цIуххин-бусан бюхъайсса даврил уртакь-я.
Аьжа ХIусайновна яла лагаврил кьурчIишиву кIидачIлай, дакIнийхтунусса жижара буллай буру ванил душнихь ва махъсса гъан-маччанахь. Имандалий лавгун лякъиннав, рухI рахIатний дишиннав, алжан нясив баннав.
Шагьрулул школардай
ниттил мазрал дарсру
дихьлахьисса учительтурал чулуха Умамат Парамазова
Оьрмулул нязаннив вай гьантрай жуятува лавгунни
АхIмадов Салман Тахакьал арс
ДакIнийхтуну хъуннасса кьурчIишиву кIидачIлай, жижара буллай буру ванал уссурссуннахь, кулпатрахь, щалвагу агьлу-авладрахь. Махъминнал оьрмурдай барачат бишиннав. Салманнун бакъасса оьрмулул бутIа махъминнан булуннав. РухI хъинний дишиннав. Алжаннул ххари аннав.
Хъусращиял жямат
Хъуннасса кьурчIишиву кIидачIлай, жижара буллай буру жула зузала Чиндоева Кьабилатлухь
Давудлул арс Шихунов Ширвани
чIун дакъа аьпалул шаврийн бувну. Цал гьав нурданул дуцIиннав, махънал оьрмурдай барачат бишиннав!
«Илчи» кказитрал коллектив
