Гьашину ссуттил республикалий 900 гектарданийсса багъру буллан най бур. Мунил хIакъираву бувсунни ДР-лул Шяраваллил хозяйствалул министерствалий.

Гьашину пландалий бивкI­ссар буван 1 азаллий 700 гектарданийсса багъру, миннувату 200 гектар – интенсивсса журалул багъру. Гьашину интту багъманчитурал бувну бур 765 гектарданийсса багъру, пландалий 600 гектарданийсса ккаккан бувну бунува.
Ххуйсса хIасиллу хьун дурну дур МахIарамккантуллал райондалул багъманчитурал – 100 гектарданияр ххишаласса багъру бувну. Сергокъалаллал райондалул багъманчитурал бувну бур 80 гектар багъирдал. Сайки 60 гектар интенсивсса багъирдал бувну бур Шамиллал райондалийгу.
Шяраваллил хозяйствалул министерствалул бувсъсса куццуй, республикалий бувну бур 190 гектарданийсса интенсив­сса журалул багъру. Цинявннаяр чIявусса мукунсса журалул багъру бувну бур Сергокъалаллал райондалул, сайки 50 гектарданийсса – Шамиллал райондалул.
Интенсивсса журалул ба­гъир­дал 1 гектарданий бугьан аьркин­ссар 800 мурхьираяр къачан­сса (укунмасса багъирдаву – 200-300 мурхь 1 гектарданий).
Интенсивсса багъру баву – захIматсса давур, личIи-личIисса технологиярттугу ишла дурсса, миннувух кIунтIатIисса щин дишавугу (капельное орошение). Дагъусттаннай интенсивсса багъру буллай байбивхьуссар 2011 шиная шинмай.