Аьрасатнал Национал гвардиялул федерал аьралуннал управлениялул хъунаману ивтунни Дагъусттаннал Мюхчаншиврул Советрал секретарь, Аьрасатнал Виричу МахIаммад Баачилов. МахIаммад Баачилов ва къуллугърай итлатисса хIукмулий къулбас дунни Национал гвардиялул директор, Аьралуннал генерал Виктор Золотовлул.
МахIаммад Баачилов, Аьрасатнал хIукуматрал ва Аьралуннал ишккакку, МВД-лул органнаву къуллугъ буллай ур 1987 шиная шихунай.
Ва гьуртту хьуну ур ва каялувшиву дуллай ивкIун ур къачагътурайн, тахсиркартурал группардайн ва кьюлтIну щурущисса террористурайн къаршисса цимивагу операциялий. Къуллугърал бурж биттур буллай ккаккан дурсса къучагъшивурттахлу 2007 шинал май зурул 14-ннийсса Аьрасатнал Президентнал ХIукмулийну МахIаммад Баачиловлун Аьрасатнал Виричунал цIа дуллуну дур.
Ва мукуна лайкь хьуну ур Къучагъшиврул ордендалун, «За отвагу», «За заслуги перед Отечеством» 1-мур ва 2-мур даражалул медаллан.
А. Аьбдуллаева
