Гьашину гъинттул Дагъусттаннал хъузалтрал республикалий хIадур дурну дур 1 млн. ва 105 азарда тонна хъаласса лазундарал. Мунил хIакъираву бувсунни ДР-лул Шяраваллил хозяйствалул ва бакIлахъиялул министерствалий. Ми хъанахъиссар дукIу вара чIумал хIадур дурминнуяр 4 азарда тонна ххишаласса.

Лазуни хIадур дуллай бур сайки циняв районнал хозяйствардал ххуйсса сакиншиндарай. Ризкьи ябулaлалисса хозяйствардан ва фермертуран аьркинссар дяркъурду дагьанцIа хIадур бан ххулув, нахь, сенаж ва силос.
Министерствалул пишакартурал мукъурттийн бувну, цила аьдатрай кIи ххуйну рутаншиврул, республикалул хъузалтрал хIадур дайссар 1 млн. ва 400 азарда тонна лазундарал. Махъсса ккаккиярттайн чул бивщуну, ххулув хIадур бувну бур 996 азаллий 333 тонна, сенажрал – 28 азаллий 800 тонна, нухьхьал – 80 азаллий 339 тонна.
Лазуни чIярусса хIадур дурну дур Къизлардал райондалул хозяйствардал (111 азарда тонна), Хасавюртуллал райондалул (103 азарда тонна), Бабаюртуллал райондалул (78 азарда тонна), Тарумовскаллал райондалул (60 азарда тонна).
Министерствалул зузалтрал увкусса куццуй, республикалий лазуни хIадур дуллалаву лахъи лагантIиссар ноябрьданийннин.
ХIадур бувссар
ХIасан Аьдиловлул