Цимилагу бусарду Гъумучиял бяр бакьин буллай бушиврия, микку дуллалисса давурттая. Вана утти ми давуртту сайки къуртал шавай дур. Бярнил лагма даркьуну дур плита. Базар бумур чулий зунттава лавсъсса чарттая, мякьсса ххуллулссаннаща щин хIачIан бюхъанну, дурну дур фонтан.
Райондалул ЦСОН-далул директор Шяпи Щурпаевлул цала харжирацIух, центрданул зузалтрал кабакьаврийну, цIу бувну бур шиннардил хьхьичIва ванал буттал буттал Нажмуттиннул бувну бивкIсса ккурчIа (беседка). Бярнил чIарав дирхьуну дур Шяпинал шяраваллил жяматран пишкаш дурсса лодка.
Дан лирчIсса давуртту дур хьхьувайсса чанигу бувцуну, скамейкарду бишин.
