Исрапиллул душ АхIмадова Саида

Цаппара хIаллай къашавайгу бивкIун, захIматсса цIуцIаврища ххассал бан къавхьуну, оьрмулул 33 шинаву жуятува батIул хьунни Карашрал шяраватусса Исрапиллул ва Аьишатлул душ АхIмадова Саида.

Саида бувну бур 1993-кусса шинал МахIачкъалалив. Школа бувккуну махъ ванил ххаллилну (ЯтIул дипломрай) къуртал бувну бур Дагъусттаннал университет. Мунилва хъирив бувккуну бур Культуралул ва магьирлугърал колледж.

Муния мукьах, тIивтIуну «Про денс» тIисса хореографиялул студиягу, ацIра шинал мутталий тIайлабацIу буну зий буссия микку. ВаничIа ккалай бивкIсса оьрчIал хьун дайссия ххуй-ххуйсса хьхьичIуннайшивуртту, личIи-личIисса конкурсирттай бугьайссия хьхьичIунсса кIанттурду.

Ци банссар, бяливчIунни гьарцагу чулуха бювхъусса душнил жагьилсса оьрму. Чичрулун чаран лякъин къашай.
Хъуннасса пашманшивугу кIидачIлай, дакIнийхтунусса жижара буллай буру буттахь Исрапиллухь, ниттихь Аьишатлухь, ссурваврахь Самирахь ва Миясатлухь, махъсса цинявппагу гъан-маччаминнахь.
Саидал бунагьирттал аьпа баннав, рухI рахIатний дишиннав. Махъминнал оьрмурду лахъи баннав.

Карашрал жямат