Дагъусттаннал бакIчинал буржру биттур буллалисса Федор Щукин ва «Кавказ» тIисса автомобиллал ххуллурдал федерал управлениялул хъунама Александр Лукашенко хьунабавкьунни, жулла региондалул транспортрал инфраструктуралийн багьайсса масъалартту ххал бигьиншиврул.

Ихтилатру хъунмурчIин хьунни ттизаманнул трассарду, ххуллурду баврицIун ва бакьин баврицIун бавхIусса. ЛяличIиссара къулагъасралу бия Хасавюрт, Дарбант ва МахIачкъала шагьрурдал лагмасса ххуллурдайн багьаймур масъала.
Гьаз бунни гьавалул тагьар сававну республикалул ххуллурдан бивсса зараллацIун бавхIуми суаллугу.