Дагъусттаннал Росгвардиялул управлениялул СОБР-ал, ОМОН-лул ва вневедомственный къаралданул зузалт гьуртту хьунни Буттал кIанттул цIанийсса Хъунмасса дяъвилий Ххувшаву ларсун 81 шин шаврин хасну щалагу Аьрасатнаву нанисса «БивкIу бакъасса автополк» патриот акциялуву.
Ва акциялул лагрулий зузалтрал ларчIунни къуллугърал машинарттай дяъвилий бивкIсса буттахъал, ттаттахъал суратру, мукунна къуллугърал бурж бартбигьлай жанну дуллусса даврил уртакьтурал суратру. Росгвардиялул управлениялул «Ягуар» тIисса транспортрал ОМОН-далул командирнан кIанайсса полициялул полковник Т.Николайл кIицI лавгунни укунсса мероприятиярттаву цала зузалт гьарица шинах гьуртту шайшиву, ва жула къучагътал дакIний битансса ишну хъанахъишиву.
Андриана Аьбдуллаева
