Хъанардал шяраву зунтту кIибувцуну, ялавай левкьун нанаврия хъуннасса нигьачIаву хIасул шаврийну, бизан бувну бур шикку ялапар хъанай бивкIсса мукьва кулпат.
Ххуллу, ттукIрал тталлу ва ххаллу лахIунттулу личIаврийну захIматсса тагьар хIасул хьуну дур Мукьархъиял махIлалийсса шяраваллаву. Уриннал, Мукьардал, КIамахъаллал ва Ппалассуннал шяраваллурду лирчIун дур транспорт гьан-дучIан къахъанай, чанигу бакъа. Ххуллу марцI буллай байбишинсса сантгу дакъар, зунтту ялавай багьну найнма бур.
Тталаткьини ДР-лул ХIукуматрал председатель Аьбдулмуслим Аьбдулмуслимовлул райондалул бакIчи Зураб Куччаевлущал вертолетрай ялтту увккун ххал дурунни тагьар.
Зулайхат Тахакьаева
