Аьрасатнал президент Владимир Путиннул Дунияллул чемпионатрай ххув хьусса Дагъусттаннал боксертуран дуллунни паччахIлугърал наградартту.
Шама дагъусттанлувнал – Муслим ХIажимахIаммадовлул, Шарапуттин Атаевлул ва Жамбулат Бижамовлул дурхссар чемпионтурал мухIлурду Аьрабусттаннал ЦачIунхьу Эмиратирттай хьусса боксертурал турнирданий.
«ДакIнийхтуну ххариссара цинявннахь барча учин зул хьхьичIуннайшиву. Зул ччалли буккавурттал ва хIасиллал тасттикь буллалиссар дунияллул спортраву Аьрасатнал цIакьну хьхьичIунсса кIану бугьлай бушиву», – увкунни спортсментурахь Аьра­сатнал президентнал.
Боксертал барчагу бувну, наградарттугу дуллуссар Дагъусттаннал бакIчи Сергей Меликовлулгу.
ХI. Аьдилов