Апрельданул 22-нний щалагу Аьрасатнал лавайми дуккаврил идарарттаву, колледжирттаву, школардай ва детсадирттаву хьунни терактирдая, хаснува, махъзуманив аьрасатлувтурал оьрмулун хъуннасса нигьачIаву хIасул дуллалисса беспилотникирттая мюхчан хьун лахьхьин буллалисса дарсру.
Вай дарсирдал кумаг бан тIий бур лавай бан кIулшиву дулаврил идарарттал мюхчаншиврул даража, микку зузиминнал ва дуклакиминнал хар-хавар бакъасса иширттайнсса хIадуршинна.
Укунсса журалул дарсру хьунни Лакрал райондалул гьарцагу школалий ва детсадраву. Миннуй гьуртту хьунни идарарттал мюхчаншиврул ялув бавцIусса зузалт, педагогтал, дуклаки оьрчIру. Дарсирдая махъ ххал дирхьунни кIулшивуртту. Тапшур бунни духлаган дан ялун лирчусса диялдакъашивуртту.
Щардал школалул директор Мариян Ибрагьимовал кIицI лавгунни укунсса журалул мероприятиярттал агьамшиву: «Вай дарсирдал педагогтурангу, дуклаки оьрчIангу кумаг буллалиссар хар-хавар бакъасса иширттайн хIадурну бикIан. Зузалтран ва дуклаки оьрчIан жу лахьхьин буллай буру нигьачIаву ялун нанисса ишираву анавархъиндарай ва куннацIун кув бавкьуну къуццу тIун».
Зулайхат Тахакьаева
