Ларгсса нюжмардий Лакрал райондалул бакIчи Зураб Куччаев ивунни КIамахъаллал ва Ппалассуннал агьали ялапар хъанахъисса Бабаюртуллал райондалийсса Сангардал къутандалийн.
Хозяйстварттал ялтту увккун, агьалинащалгу хьунаавкьуну махъ, школалий хьунни террорданийн къаршисса комиссиялул батIаву.
Муний гьуртту хьунни райондалул Депутатътурал собраниялул хъунама Явсупи ХIамзаев, КIулшиву дулаврил управлениялул каялувчи Сулайман Шахмилов, АТК-лул отделданул каялувчи МахIаммад Гадаев, шяраваллал бакIчитал, шиккува ххал бивгьунни архсса къутаннай жагьилтурал дянив жунна ятсса идеология ппив хьун къаритансса чаранну.
