Хасъсса аьралий операциялий ватандалул ххуллий чувшиврий жанну дуллусса аьралийтурал ниттихъул ва гъанчугу гьуртту хьунни Дагъусттаннал бакIчи Сергей Меликовлул сипталийсса экологиялул акциялий.
Аьралийтурал ниттихъул ва гъанчу бувккун бия Цалчинма Петрдул проспектрай ттигъаннусса рирщу гъараллая махъ Вирттаврал аллеялуцIухсса кIанттурду марцI буван. Вайннал шювшунни чапал хьусса вирттаврал баннерду.
Ва иш хьунни ватандалул мюхчаншиву дуруччаврил ххуллий жанну дуллуминнал аьпалул хIурматрал лишанну.
Зулайхат Тахакьаева
