Дагъусттаннай хьунни дунияллул халкьуннал дянивсса патриот акция «Диктант Победы». 15 азарунния ливчусса инсантурал чирчунни Ххувшаврил диктант.
Республикалий диктант чичин личIи бувну бия 166 площадка, миннува лавкьусса мукьва кIану ккаккан бувну бия гужирдал структурардал вакилтуран. Агьаммур площадкану хьунни Лениннул Комсомолданул цIанийсса паркравусса Аьралуннал савлугърал музей.
Акциялий гьуртту хьунни республикалул циняв шагьрурду ва районну. Диктант чичин бувкIсса чIявуми бия дуклаки оьрчIру ва жагьилтал.
Акциялий гьуртту хьунни жагьилтурал иширттал министр Камил Саэдов, Аьрасатнал Виричу Энвер Набиев, хасъсса аьралий операциялий цалчин Аьрасатнал Виричу хьусса НурмахIаммад ХIажимахIаммадовлул нину Сапижат Мазаева, Дагъусттаннал Халкьуннал Мажлисрал депутат Елена Павлюченко. Мероприятиялул сакиншинначитал бия Дагъусттаннал Жагьилтурал иширттал министерство ва «Единая Россия» партия.
Андриана Аьбдуллаева
