Апрельданул 22-нний Ккуллал райондалул бакIчину увчIунни Халидлул арс Ажуб ХIусманов.
2019 шиная шинай райондалул администрациялул бакIчинал хъиривчуну зий, 2025 шинал ноябрьданий администрациялул бакIчинал буржру чIумуйну биттур буллай, Ажуб Халидовичлул исват бунни цува вихшала дишин лайкьсса, захIмат ххирасса, агьалинал къайгъурду хьхьичI ххуттай бивхьусса каялувчи ушиву.
Ккуллал райондалул бакIчинал къайгъурду личIинува гьарзасса ва бигьа бакъасса бур. Ажуб Халидович зун гъирагу, шавкьгу дусса, щархъаву ялапар хъанахъисса халкьуннал масъалартту щиннияргу хъинну кIулсса инсан ур.
Умуд бур ванал цала хIарачатгу, бюхъугу райондалул иш бачинсса куццуй ишла бувну, зунссар тIисса.
«Илчи» кказитрал редакциялул ва буккултрал цIания жугу барча тIий буру вихь, Ажуб Халидович, цIусса къуллугъ!
Винна вихшала дурсса, инава бакIрайн лавсъсса къуллугърал бурж лажин кIялану биттур буллансса, агьалинащал хIала-гьурттуну райондалул масъалартту щаллу буллансса каши-кьудрат дуллуннав вихьхьун!
ЧIа тIий буру вин цIуллушиву, гьарица дуллалимуниву тIайлабацIу!
