Дагъусттаннал ХIукуматрал председатель Аьбдулмуслим Аьбдулмуслимовлул, АьФ-лул СКФО-райсса полпреднал хъиривчу МахIаммад Рамазановлул, Аьрасатнал МЧС-рал граждан обороналул ва агьали буруччаврил департаментрал хъунама Олег Мануйлол ххал диргьунни Лакрал ва Ккуллал районнайсса тагьар.
Официалсса делегациялул вертолетрай тIабиаьтрал апатIрал зараллу биян бувсса цаппара шяраваллал тагьар ххал дунни. Тиккусса цаппара шяраваллаву лахIунтту, лекьлурду дурцусса ишру хьуну бия.
Тагьар ххал диргьуну махъ миннал зараллан кьимат бищайсса къуллугъирттайн тапшур бунни ччясса ппурттуву зараллу бухлаган бансса ва тиккусса ялапарлувтурал мюхчаншиву дуруччинсса чаранну лякъин.
ХI. Аьдилов
