Лакрал райондалул бакIчи Зураб Куччаев хьунаавкьунни хасъсса аьралий операциялия кутIасса чIумуй бигьалаган бувкIсса Гъумучиял шяравасса Исакь СалихIовлущал ва ГьунчIукьатIрал шяравасса Жамалуттин Ибрагьимовлущал.

Аьралийтурал бувсунни цала къуллугърая. Зураб Куччаевлул барчаллагь увкунни аьралийтурахь ватандалул ххуллий жард къакуну аьралий мурадру биттур буллай бушиврухлу. КIицI лавгунни, хасъсса аьралий операциялий талатиминнал ва вайннал кулпатирттал буруккинтту паччахIлугърал хьхьичIххуттай бихьлай бушиву, вайннал оьрмулул къулайшиндарансса чаранну ляхълай бушиву. Гихунмайгу вайннал мурадру райондалул администрациялул къулагъасралу бикIан тIий бушиву.
Исакьлул ва Жамалуттиннулгу барчаллагь увкунни аьралийтурал кулпатирттахсса аякьалухлу.