Лакрал райондалий зийнма бур энергетиктал хъунисса марххалттал кьатI бувсса ттукIрал тталлу, руцари хьусса ххаллу цIу дуккан дуллай. ТIабиаьтрал апатIрая махъ хаснура аьркинну дур кIанттул властирдал ва дакI цIуцIисса инсантурал чулухасса къулагъас.

Райондалул депутат Амир Илиясовлул Гъумучиял электросетирдал зузалтран дуллунни багьлул ххирасса дрель-шуруповёрт. Ва ярагърал кумаграцIух электромонтёртураща бюхъантIий бур тIабиаьтрал апатIирттайну бивсса зараллу анаварсса чIумуй бухлаган бан. «Барчаллагьрай ура жула энергетиктурайн агьали ттукIрал дузал бан буллалисса захIматрахлу. Зул кIунттиву ва вихшаласса ярагъуннил кумаг бантIиссар гьарца къатлувун чIумуй ттукI булун», – увкунни Амир Илиясовлул.
Гъумучиял РЭС-рал каялувчи Зураб ХIажиевлул барчаллагь увкунни Амир Илиясовлухь цила чIумалсса ва чара бакъа аьркинсса кумаграхлу.