МахIачкъалалив В.Эмировлул цIанийсса кучалий ялапар хъанахъисса инсаннал ДР-лул Госжилинспекциялийн аьрза чивчуну бур ДР-лул Капитал ремонтрал фондрал цаяра къадагьавай арцу тIалав даврил хIакъираву.
Ва яхъанай ивкIун ур чIявуквартирартту бусса къатрал чIарав, личIину бувсса цува заллусса къатлуву, амма ваная багьа тIалав буллай бивкIун бур, чIявуквартирартту бусса къатраву яхъанахъисса инсанная кунма. Госжилинспекциялул зузалт бувкIун ххал бувну бур къатлул заллу яхъанахъисса кIану. Вайннал тасттикь бувну бур ванал къатта личIину, цала аьрщарал участокрай бувну бушиву, ва шиву яхъанай бушиву так ванал кулпат. Мунияту ва къатлул залунная, чIявуквартирартту бусса къатрал ялапарлувтураяту кунма, Капремонтрал фондрал багьа ласаву къатIайлашиврий ккаккан бувну бур.
ДР-лул ГЖИ-лул Капремонтрал фондрайн официалну тапшур бувну бур ва къатлул залуннал лицевой счетрай ккаккан дуллай бивкIсса капремонтрахсса арцу дукьан дуван ва уттинин къатлул залуннаща ларсъсса арцугу махъуннай зана ритан.
ХI.Аьдилов
